岑麗香 香香 狂擦大餐 怨男士無禮 驚分心 唔急拍拖
香香狂擦大餐 怨男士無禮
「宅男女神」岑麗香出席以甜品為題的活動，加上其笑容可謂甜上加甜。她透露剛返加拿大與家人團聚，狂擦大餐過了一個溫暖又飽肚的聖誕，但竟然沒有男士趁機送禮追求，認真嘥料！
岑麗香昨日到馬鞍山出席活動，身穿紅色連身裙的她大賣甜美笑容，引得龍友及街坊狂影。現場她為小朋友廚師的甜品評分，又幫蛋糕裝飾。香香表示剛從加拿大返港，與家人及朋友過聖誕，令她大感溫暖，最開心是與八十四歲婆婆食大餐：「十年前我送咗頂帽畀婆婆，見佢次次影相都有戴，今次送頂新帽畀佢。我又食咗三餐聖誕大餐，肥咗啲，唔敢上磅呀！要做吓運動先。」
父母開通 唔怕緋聞
問有否收男士送的聖誕禮物？她說：「冇喎！冇人有表示，可能佢哋怕醜。（家人催拍拖？）以前都有，但今次冇，主要戥我多咗嘢做開心。我又唔急拍拖，驚會分心，希望事業去到咁上下先搵男友。（身邊冇合適人選？）可能有，但我冇留意。」
香香親自為蛋糕裝飾。
苟芸慧（左）有意邀香香等好友組合唱團。（資料圖片）
問到曾傳緋聞的陳國峰可有送禮？香香表示沒有，與對方只是Hi Bye朋友。對於好友苟芸慧因惹緋聞被屋企人訓話，香香表示父母思想開通：「佢哋都對我有信心嘅，如果我真係拍拖會話佢哋知，真係冇所謂。」
處女樂團 慢慢商量
提到苟芸慧早前表示想與香香、鍾嘉欣及李亞男等組合唱團，香香大表贊成，覺得創意十足。對於有提議她們組合名為「處女樂團」，香香說：「個名要再商量下，傾下唱咩歌先，我都要開始練下中文歌。」
文：影視組
香香驚分心唔急拍拖
新一代「宅男女神」岑麗香昨日於馬鞍山出席以甜品為題的活動，大賣甜笑冧仔！剛從加拿大返港的她表示，與親朋度過窩心聖誕，最開心是與84歲婆婆見面，但竟沒有男士趁機送禮追求：「冇人有表示，可能佢哋怕醜啦！（家人催拍拖？）以前都有，不過今次冇！我又唔急拍拖，驚會分心，希望事業去到咁上下先搵男仔，家人都開通，到時一定會話畀佢哋聽！」對於好友苟芸慧提議組合唱團，香香大表贊成，但是否叫「處女樂團」則要再商量：「傾傾唱咩歌先，我都要練中文歌！」
香香挨在公仔身旁，十足大細路！
香香步姿豪邁，相信玩開跨欄。
小朋友餵食製成品，香香即俯身試食。
香香驚拍拖分心 8,712 
「香香公主」岑麗香昨日現身馬鞍山，出席小朋友烹飪活動，她透露日前在加拿大與家人提早過聖誕：「喺嗰邊同屋企人食咗三晚聖誕大餐，要做番運動先磅吓。」香香透露最開心可以探望84歲的嫲嫲，因對方之前很擔心她在港發展。問到嫲嫲有否叫她識男朋友？她說：「今年冇叫，自己冇特別想拍拖，家想focus工作，如果又追求事業又男仔，我會分心。」提到巨聲緋聞男友陳國峰有否送禮物給她？她表示：「冇，大家都係喺公司say hi say bye，冇聯絡。」問到苟姑娘有意組織「Virgins Band」，香香笑言：「自己都有興趣，要商量過樂隊名，細個學過鋼琴、小提琴，不過自己唱英文歌多，要學多啲中文歌。」
採訪：梁錦雯
攝影：陳慧安
留言列表
