close
外賣佬
甘比住咗五晚醫院，大劉日日到，臨出院前一晚（二十日），仲親自送愛心湯到醫院；有潔癖嘅佢，貫徹劉家規矩，乜都用紙巾隔一隔。
同你吟一吟
甘比守尾門 送大劉 3個好
早個禮拜六（十二月十五日），甘比女劉秀樺同參加《全英一叮》紅爆嘅十二歲英國歌手 Connie Talbot同台合唱聖誕歌，籮咁大個肚嘅甘比，仲同大劉拍拖到場打氣，但第二朝（十六日）一早，佢就入咗養和，生咗個八磅重 B仔。
甘比守尾門，繼劉鳴煒劉秀融同呂麗君一對仔女後，成功幫大劉生多個慈姑椗，湊成三個好字。連日大劉、甘比媽同囡囡秀樺都出入養和，拎湯水俾甘比同探 B。
據見過甘比仔嘅二五講， BB個樣大鼻面闊，似十足老豆。雖然係剖腹分娩，但甘比二十一號一早就出咗院，趕得切一家四口，齊人做冬！
產前一日
甘比臨生前同大劉一家人到銅鑼灣欣賞 12歲英國歌手演出，秀樺亦有份上台同對方合唱。
細佬出世，日日跟住外婆去醫院探媽咪嘅四歲秀樺，就算著住 Moncler羽絨，一樣被風吹到成頭亂。
富貴路人
富貴醫院，名人明星係常客，包括探朋友嘅六嬸方逸華同帶個孫女嚟睇病嘅星媽凌寶兒。
搶住答
全站熱搜
留言列表
