名人有喜
葉梁美蘭 胸 cake賀壽
氹老公上船
葉梁美蘭（ Mira）今年生日玩得相當盡興，九月廿二日正日，她出動兩隻私伙遊艇，加埋朋友共六隻船搞船 P，之後轉場去朋友屋企慶祝，夜晚再落 club慶生，一日走足三場，他還將當日的連環生日派對相，放上 facebook與友人分享。
不過習慣早瞓的 Mira老公葉維義，就只 join太太的生日船 P，致電問 Mira，她說：「搞船 P是知老公一定鍾意會一齊去，九月香港天氣暖，上船好舒服，老公又鍾意玩水上活動，朋友亦可以玩 wakesurfing、 wakeboard。」估不到 Mira和丈夫結婚十八年，自己生日仲鬼咁 sweet遷就老公喜好， Mira知情識趣說：「我 哋希望身邊人開心。」
Mira丈夫（前左二）的腹肌確實同男模有得 fight。
Corset蛋糕加 Louboutin鞋，精緻到極。
當日仲有 A&F的肌肉男上船一齊玩，「佢哋係朋友帶嚟，開 party梗係要有啲 eye candy先得！」雖然男模個個身材 fit爆，但 Mira就讚老公好正，「佢見班 model剝衫，佢又剝話：『我都掂㗎！』講真，以佢嘅年紀，真係 keep得好 fit。」
Mira拎住隻鞋唔捨得食。
葉太說夫婦感情要努力維繫，所以生日亦投老公所好，大家開心。
名牌變蛋糕
但最驚喜莫過於朋友送上 corset造型的蛋糕，上面還有一隻迷你 Christian Louboutin高跟鞋，「我最愛 Christian Louboutin鞋和 Agent Provocateur的內衣，係我最愛的品牌，朋友好有心思。」之後 Mira轉場去朋友家繼續玩，她的男性朋友竟然送上在君悅訂製、約六千元的士多啤梨味 38E豐胸蛋糕給 Mira，「蛋糕志在搞笑，收到後笑不停。」
朋友咁識做，老公又送什麼生日禮物？「船上有 DJ、 bartender和到會，這些雜費開支全部由老公包起。」生日願望呢？「想女兒靚過我、叻過我。」
Mira愛購物，笑言老公經常說要剪她的信用咭，「今年我送咗個黑咭蛋糕俾佢切。」
Mira也很喜歡這款珠寶盒蛋糕，「係我朋友個老公送俾佢，寓意一世無憂。」
船上有 bartender，又有 DJ打碟，全船人玩咗一粒鐘，都貓晒。
生日糕 Go Go
何超雲 晒樣
去年陳山聰（ Joel）三十五歲生日，何超雲先在沙灘上寫着「 Happy Birthday Joel」，然後把這張照片印在生日蛋糕上，冧爆情人。
陳祉妤 高爾夫蛋糕
名模陳祉妤（ Balia）鍾意打高爾夫球，上月生日她收到高爾夫球蛋糕開心不已，「裡面係黑森林味，重溫小時候 嘅味道，有種簡單的快樂。」蛋糕外面是綠色的椰絲，「做得好真，係成世人最開心的蛋糕。」
汪圓圓 唇膏蛋糕
留言列表
