探熱針
視帝被玩謀劈炮 林峯：出面好多公司搵我！
無 綫今年玩普選視帝視后，粉絲人多勢眾的林峯，以為穩操勝券，結果大熱倒灶不敵黎耀祥，就連「我最喜愛電視男角色」都輸給馬國明，離奇食白果。
雖然有指無綫會在《勁歌》頒獎禮以「最受歡迎男歌手」呵番補數，不過，據知不甘被玩一鋪，尚有一年合約的林峯，打算唔再續約，劈炮唔玩。
要求重選
《萬千星輝頒獎禮》後，捧蛋林峯翌日起程飛橫店，繼續跟舊相好葉璇拍內地劇《紫釵奇緣》。據知，失落視帝的他雖然死撐扮冇事，但開工期間一直無厘心機，有香港工作人員唔識趣，提議他要求無 綫公開票數，傷口灑鹽。
首次以一人一票方式玩票選，標榜民意行先的賽果不單受到質疑，更接到超過二百宗投訴，但無 綫依然堅持不公開票數，對網民圍插要求重選，聲音更加置若罔聞。
「無 綫一向都分黨分派，余詠珊入咗 TVB後同（曾勵）珍姐聯成一線，佢 哋嘅影響力愈來愈大，樂小姐玩隻揪梗唔夠撼；今年擺明係珍姐嘅人玩晒，得獎 嗰幾個都係珍姐黨，連帶視帝（黎耀）祥仔都話自己粉絲唔夠林峯多，一人一票，林峯冇可能輸，今次直情係俾人擺上枱玩。」知情者說。
曾勵珍明撐《大太監》，食煞科宴，少有出席宣傳活動的她，孖住黎耀祥離場。
跟葉璇在橫店拍劇，失落視帝的林峯心情差，與女方甚少交談，補完妝，兩人即埋位開工。
跟葉璇在橫店拍劇，失落視帝的林峯心情差，與女方甚少交談，補完妝，兩人即埋位開工。
由葉璇做監製埋班的 25集《紫釵奇緣》，據知林峯收四十萬一集，開工三個多月，袋走一千萬。
㩒眼中釘
無獎攞，林峯連大製作都無份拍。由於被指是樂易玲契仔，雙方關係密切，以致成為曾勵珍揸弗的製作部「眼中釘」。
「林峯好多年都冇份拍大製作，佢好想拍戚其義 啲劇，不過珍姐一直唔俾佢入組，又好似《 On Call 36小時》馬國明『一件頭』 啲咁討好嘅角色，林峯開到聲想做，都一樣俾人阻。（劉）家豪哥未走嗰陣，搵過林峯拍《溏心風暴》，結果俾珍姐的 咗去照肺。《回到三國》叫做大製作，但佢 啲戲份仲少過馬明。今年珍姐仲安排兩部唔係親生仔（劉松仁、黎耀祥） 孭飛 嘅劇集做台慶劇，林峯部《雷霆掃毒》就安排九月播，係人都知佢要 㩒林峯幫祥仔。」知情者說。
TVB唔肯公開票數，遭網民圍插唔公平，更有網民將 TVB logo變黑，為他黑箱作業默哀。
林峯今年積極爭視帝，在橫店開工的他，不時中港兩邊走，上月跟黃智雯出席活動，再 chok樣拉票。
黎耀祥攞視帝，馬國明意外到在鏡頭前忍唔住目瞪口呆 O晒嘴，難怪林峯粉絲嘈住要重選。
林峯捧蛋，頒獎禮後亦有出席徐子珊、黃智雯的慶功宴，不過明顯強顏歡笑。
有姿勢冇實際
見過華誼兄弟
曾勵珍在戲劇組操生殺大權，樂易玲有心無力，頒獎禮捧蛋的林峯見自己同公司只剩一年合約，於是密謀劈炮。
「其實英皇一直都有斟佢，出價仲高，內地嘅華誼兄弟亦對佢有興趣，應承會開戲谷佢，大家約出 嚟傾過，而家林峯平均一年搵過千萬，就算自己開經理人公司都冇問題。今次珍姐玩到咁盡，佢真係好心淡。」知情者說。
上週六（二十二日）下午，記者當面向林峯求證有關不再續約無 綫一事，在橫店開工的他支吾以對：「我同 TVB仲有約，未完。（聽聞出面有好多公司搵你？）係有好多公司搵過我，不過同 TVB仲有約，唔諗住。（會唔會好似張敬軒咁，賠錢走？）唔……暫時未諗到呢個問題。（如果有人幫你贖身呢？）我唔想呢個時候諗呢 啲 嘢，唔好意思，我要埋位。」隨即極速走人。
為出席台慶，林峯向劇組請假返港，早機到晚機走，跟徐子珊行紅地氈時，個樣殘爆。
林峯今年替無綫拍了《雷霆掃毒》，大部分時間在外搵銀，成無綫最賺錢藝人。
曾勵珍特登安排唔係無綫親生仔劉松仁孭飛的《名媛望族》成台慶劇之一，結果劉松仁亦成視帝大熱。
黃百鳴一口氣簽了林峯五部電影，今年初賀歲片《男人如衣服》，他便孭正做男一。
劉家豪未經曾勵珍同意安排林峯拍《溏心風暴》，林峯因而攞到當年「我最喜愛電視角色」，但劉家豪就被照肺鬧爆。
留言列表
