close
關仁隱事：「高妹」靠大師搵食
單親媽咪「高妹」雖然同身家億億聲嘅「大蟲」生咗個女，但從冇來往，原本有個有米媽咪照住，但聽聞佢同阿媽反咗面，所以早排咪同個女回流香港，惟有再拍番嘢努力搵錢養女囉！初時高妹返嚟都叫做有啲新鮮感，大婆台都畀咗一堆工作佢做，可以食老本買番間屋同乖女相依為命，都過咗一段唔錯嘅日子。但係好景不常，新鮮感過咗，大婆台漸漸冇乜嘢畀佢撈，咁又係，佢咁鬼高拍劇都幾難搵小生襯到佢，加上啲戲又唔係特別好，好快就越嚟越少嘢做，錢搵少咗都咪話唔閉翳，好在佢之前個老頂「大師」轉咗去做大氣電波台，大師搵佢做節目主持，總算有固定收入冇咁騰。
撰文：關仁
全站熱搜
留言列表
