慢必 出櫃 心痛劉華疏遠 
《今日我至銀》
慢必當選議員，卻痛失一位圈中好友，睇番啲合照，個心梗係「銀住銀住」。
繼黃耀明出櫃後，剛當選立法會議員的陳志全（慢必）亦承認是同性戀，雖然行為勇敢，但未必人人接受。慢必昨日接受電台訪問，自爆被認識多年的圈中好友疏遠，他默認此人正是劉德華，坦言好心痛。
陳志全剛當選立法會議員，理應好開心，但他隨即自爆同性戀者身份，讓他承受不少壓力。慢必昨日到新城電台接受《開心家天下》訪問，透露最近為了一件事感到十分失望，他隱晦地說：「有位識咗十幾年嘅朋友，開生日會冇叫我去，對方就快生日。」
慢必（右）強調與Sky成員Gilbert只是好朋友，對方目前有女友。互聯網圖片 
慢必透露出櫃後被圈中好友疏遠，令他的心很不舒服。 「生日會冇搵我」
慢必一直沒有透露此人是誰，只說是圈中人，當記者追問是否9月27日生日的劉德華？他點頭默認，並說：「以往生日會都有搵我，但今年冇接到通知，打畀男歌手又冇覆，我再搵過Ronald（劉德華助手），佢話知我呢排好忙，會代我同對方講聲生日快樂。之後冇再叫我去，個心有啲『銀住』。」慢必表示不清楚原因，但估計跟出櫃或當選議員有關，他表示：「唔知係咪因為我承認咗出櫃，或者係當選議員。其實6月歌迷聚會我都有去，當時我有同男歌手講我嚟緊會去參選，想叫佢寫字及支持，但對方冇回覆，呢啲我都明白，可能因為對方嘅藝人身份唔想涉及政治，但個心都係『銀住』囉。」
預咗被鬧基佬
慢必表示有嘗試再聯絡男歌手，他說：「有再聯絡過佢，好想當面同對方講聲生日快樂，原本我想當選議員，而佢就生日，可以互相祝賀大家。」問會否後悔出櫃？他說：「應該由自己講，俾人爆出嚟好怪，其實預咗有一啲好難聽嘅說話，亦預咗有身邊朋友疏遠；試過喺街有人鬧我死基佬，但已比預期中好。」
另有指慢必曾與前組合Sky成員潘卓楠（Gilbert）同居，慢必解釋：「我哋係好朋友，佢係我游水教練，為呢件事有少少唔開心，怕影響人哋，佢家教小朋友游水，好驚學生家長介意。」慢必爆料指Gilbert現在有女朋友，並曾見過對方。
採訪、攝影：何慧斯
慢必證好友正「直」
前電台主持人陳志全（慢必）當上立法會議員後即公開同志身份，隨即被爆曾與前男子組合Sky成員（潘卓楠）Gilbert同居，他昨日接受電台訪問即為好兄弟Gilbert澄清：「佢唔係同志，佢依家係游水教練教小朋友，我當佢係細佬，大家一齊住咗幾年，佢當時都有女朋友，仲帶過返屋企。」
與慢必同居Gilbert不是同志
陳志全（慢必）昨日回應與前男子組合Sky成員Gilbert（潘卓楠）同居，他說：「佢唔係同志，我當佢係細佬，一齊住咗年幾，佢當時有女朋友。」
陳志全（慢必）
留言列表
