close
在 Qinnie（左）精心包裝下，化了全妝、 set好頭的 Naomi，著住 ZEUZ.COM合共七千元的戰衣加頸鏈後，即時省鏡晒！
前玩具城董事鄭躬明太太、「千億新抱」徐子淇密友陳君宜，一向鍾意幫人及幫自己扮靚，去年她和丈夫開網上時裝店 ZEUZ.COM，為了令網站有更多資訊，早排她就幫走性感路線的李思捷緋聞女友馮鎵瀠變身，偷拍她在老蘭以變身前的普通 look和變身後的索樣，引到幾多飛來蜢埋身，片段會全程放上網。
成功幫馮鎵瀠唔使剝都溝到仔的陳君宜自豪地說：「我覺得佢好大膽，成日著咁少衫，一係除晒，但吸引人唔一定要除晒，著住衫都可以吸引異性。」
自資拍片
人鬼埋身
等了十五分鐘，無乜着落的 Naomi無癮返酒吧正式化妝 set頭。但酒吧實在太黑，於是唯有走到有巨型廣告牌燈光照到的後巷化妝，在悶熱天氣下快快手手化妝 set頭， Qinnie發現帶來變身的衫皺了，於是借髮型師的熱髮夾當熨斗用。
變身後的 Naomi戰鬥力即時提升，結果十五分鐘內成功釣到做金融的台灣人，以及任法國名牌高層的老外。台灣人仲傾了十五分鐘都唔願走， Naomi風騷地說：「佢問我係咪做模特兒，攞咗電話都唔肯走，工作人員就埋嚟同佢講拍緊嘢。」至於個老外就同佢密密咬耳仔，點知 Naomi話：「我英文唔流利，所以鍾意亞洲人。佢哋之後都有打俾我，又發短訊，但我冇覆，因為我已有靚仔男友。」
全站熱搜
留言列表
