女神較量 岑麗香閃避苟芸慧 


苟芸慧（左）同岑麗香兩個新高登女神，手拖手齊齊搵真銀。

苟芸慧同岑麗香兩個新高登女神前晚一齊喺尖沙嘴出席時裝騷，岑麗香上台行騷，女神輩分高半級嘅苟芸慧就有位坐，兩個女神喺現場拖晒手咁影相，不過轉頭要求佢哋一齊做訪問，岑麗香就一完騷即失蹤走人。

人氣急升嘅岑麗香，噚日又同應屆港姐出席記者會。

苟芸慧話唔覺得岑麗香避開佢：「公關話佢要趕住返廠，我哋都有影合照啦，唔緊要，下次會有機會。」佢仲話兩個人都有咗個女神稱號，連感情都好咗：「大家鬼妹仔，鬼聲鬼氣。」

胡杏兒否認撻着超級巨聲大孖周志文。 杏兒拒姊弟戀

同場仲有胡杏兒、周麗淇、Alice B.、松岡李那等，胡杏兒又傳同超級巨星「大孖」周志文撻着，佢話：「大孖細我十年，仲要有女朋友，細太多啦，十年真係唔得。」而松岡李那就話同BIGBANG喺日本係同公司，但唔知久保杏奈同BIGBANG勝利係咪拍拖：「有時同杏奈去唱K，佢好飲得唔易醉。」
此外，岑麗香噚日同陳庭欣及應屆港姐喺尖沙嘴出席「超級國家盃2012馬球會」記者會，早前有份去三亞拍攝《衝上雲霄II》嘅岑麗香話，唔知吳卓羲同梁靖琪喺泳池酒後亂性：「我同劉俐、楊潮凱，仲有班幕後工作人員去咗另一邊游水，我哋只係玩鬥快游水同潛水，唔知其他事。」

香香速閃非避苟芸慧

兩代「宅男女神」岑麗香與苟芸慧前晚在時裝騷碰頭，記者欲邀二人一同受訪，但香香先行離開，苟芸慧代為解釋指香香要趕返公司開工，並感激大家封她們為女神，增加搵銀機會。

而香香昨日出席活動時，再度澄清並無迴避苟芸慧。談及梁靖琪與吳卓羲被指在三亞親熱戲水，她表示當時在另一泳池，不知道另有派對：「我哋嗰邊冇飲酒，只係比賽游水，好健康！」

岑麗香（右）與苟芸慧拍住搵銀，不欲惡性競爭。

岑麗香 苟姑娘罰錢增值

兩位女神岑麗香和苟芸慧前晚在時裝活動碰面，二人的廣東話進步不少，苟姑娘笑言因在金錢壓力下突飛猛進：「王祖藍用罰錢嘅方法幫我哋練廣東話，講錯嘢、講英文要罰5蚊，我都唔知罰咗幾多錢！」

岑麗香（右）與苟姑娘手拖手嘴對嘴。

此外，有份到海南島拍攝《衝上雲霄II》的岑麗香，對於梁靖琪與吳卓羲在泳池派對中公開親熱，她指當晚與另一班演員包括劉俐、傅嘉莉、楊潮凱等在另一泳池游水，也不知道他們另有派對：「我哋嗰邊冇飲酒，只係比賽游水、潛水，我哋好健康o架，玩得好開心，行去泳池都包到實。（佢哋拍嘢玩得好癲？）唔會。」