跳到主文
部落格全站分類：偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
隻戒指霆鋒送㗎！（設計對白）同豪龍話晒同父同母，栢芝最錫呢個細佬，一身桃紅西裝做姑奶，手上同耳仔粒鑽石，好閃！
星星期一（九月十七日）張栢芝細佬張豪龍成家立室，老婆 Nichol係化妝師，聽講仲大埋肚，雙喜臨門。
唔想大排筵席，一對準新人 响康樂園會所舉行酒會，家姐張栢芝帶埋兩個仔到賀， Lucas仲負責做花仔。兩姊弟大方接受訪問，近排同霆鋒關係好轉，加埋細佬小登科，栢芝心情超靚，仲爆婚禮會有三級環節，到時會叫晒班細路出草地玩；反而新郎哥張豪龍因為心情太緊張，全程冇乜笑容。張家辦喜事，但新老爺鬍鬚勇近排涉嫌刑事恐嚇要上庭，同父異母家姐戴碧芝，又因未完成駕駛改進課程被票控，家人官非一單接一單，張豪龍娶大肚 Nichol入門，順便沖喜囉！
帶埋兩個仔到場，幫手做花仔 嘅 Lucas，上車之後仲同記者揮手拜拜。
新老爺鬍胡鬚勇滿面笑容離開，仲絞低車窗俾記者影相，不過唔肯接受訪問，事關佢單刑事恐嚇案過幾日就要上庭。
同樣官非纏身 嘅戴碧芝，都有出席婚宴。
同栢芝關係日差 嘅張栢文，帶埋女友 Jeana到賀，揸車離開時更踩油衝向記者。
撰文：八珍
818 娛樂八掛大放送★
tvb4life 發表在 痞客邦 留言(0) 人氣()
留言列表
留言列表
