楊曉薇（ Hayley）
恒生管理學院英文系 Yr.1
從小 Hayley就喜歡看英文小說，入了恒管也選讀了英文系。「其實學校都有唔少學會，又有宿舍，但我都只係參加咗英文學會做幹事，希望可以繼續學好英文。」
U花 U草
新城開籠雀 恒管新女神
每逢星期六晚上 7至 8時， Hayley準時在新城知訊台以「細花花」名字開咪，在節目中口水多過浪花，還牙尖嘴利直斥女拍檔沒有做好準備開咪，完全不像只做了個多月的新 DJ。
做 DJ Hayley就開籠雀，但原來平時是個怕醜妹，說話陰聲細氣，在恒管是自閉摺學生，「做到新城 DJ，因為 DJ陳禮賢主持嘅節目《美女困獸鬥》，需要靚女主持，除了與佢做電台節目，女主持亦要走勻全港與市民互動拍埋短片，放上 YouTube，咁啱佢上 facebook見到我啲靚相，就睇中我，邀請我加入新城做節目！」
煲高登吹水台
平日開咪甚有霸氣，但私底下的 Hayley就斯文有禮，對記者、攝影師都「唔該前、唔該後」，而且笑容十足，判若兩人！同是恒管女神， Hayley在校就未見過 Whitney，但都好識做大讚對方靚女。
由怕醜妹變成開籠雀， Hayley落了好多苦功，「我講嘢有懶音，除咗搵屋企人聽住我講嘢，一有懶音就糾正我，我仲會錄底平時做嘅節目，翻聽改正，本來我甚少睇高登，為咗節目內容啱年青聽眾，所以會煲高登吹水台， 500蚊港女、 3萬結婚男我都有睇，不過我冇 account，驚俾人起底。」人靚又識上高登，高登仔只會賜酒，起底咪當成名囉！
廣告女角
除了做 DJ， Hayley更試過為美國雅培拍廣告，不只得把聲， Hayley連演技都一樣應付有餘。
拍埋短片
Hayley（左一）被新城 DJ陳禮賢（左二）邀請，做他的女拍檔，除了電台節目，亦要回出拍片，所以一定要靚女！
舞林高手
Hayley不只「 Talk得」，原來她有十多年的跳舞經驗，芭蕾、中國舞、啦啦隊舞都難她不到，認真多才多藝！
U花 U草：
留言列表
