close
近年軒仔除咗做舞台劇《我和秋天有個約會》外，已經好少亮相音樂活動。簽約英皇後，憑英皇同 TVB關係，分分鐘喺 2013年東山再起。
FBI
斌女拉線 軒仔千萬賣身英皇
冇見好耐嘅張敬軒最近公開自爆今年 6月已約滿環球，仲話仍爭一隻唱片未出，要做埋隻碟先決定去向。不過 FBI收到風，其實軒仔最近經密友關智斌拉攏，以 1,000萬簽約英皇 2年，以往軒仔嘅 management都係由軒媽做晒，但今次就連 management都賣埋畀英皇，瞓身做英皇親生仔。唔知一哥基仔有冇詐型？
今次軒仔埋英皇堆， FBI聽聞因為早前傳對佢照顧有加嘅牆紙大王契爺陳鼎禮已同軒仔疏遠，而早前契爺有份投資嘅廣州錄音室亦已分家。遲啲軒仔正式泊英皇碼頭， FBI得知軒仔最近亦以自己名義喺香港開咗間製作公司，將事業基地回歸香港，即係同小斌女見面都方便好多，合唱情歌有 gimmick喎！
軒仔同斌女關係已經浮晒面。早排軒仔仲上載佢同斌女（左一），仲有側田一齊食飯嘅相，好溫馨！
開公司
今年 10月軒仔以個人名義，喺上環開咗間叫做「肥馬騮製作有限公司」，方便自己作歌，諗住回流香港再展拳腳。
全站熱搜
留言列表
