Moka小櫻 拋波試水溫
夏天是o靚模搵食全盛期，眼見香港o靚模出寫真賺個滿堂紅，陳靜（DaDa）兩位國產師妹Moka及小櫻決意踩場搵食，日前結伴去淺水灣來個泳衣真人騷，睇得成群「餓狼」口水直流！
Moka（左）和小櫻以性感比堅尼在淺水灣大晒美好身段，之後更在海邊玩波。
已成功「上岸」的「百果園咪神」陳靜（DaDa）今年棄出寫真，反而升呢親自往上海揀蟀，最後睇中同擁C Cup上圍的Moka及小櫻，兩女今夏將推出寫真跟港模瓜分宅男市場。
為測試在港人氣，她們日前結伴往淺水灣曬太陽，谷行上圍引誘一眾港男！她們揀好靚位落腳後，九秒九脫下外衣，露出惹火比堅尼，深長事業線頓時引來附近港男射喱眼喪(目及)。兩位上海美女皮膚白皙勝雪，為防曬黑，當眾互塗太陽油，互摸心口、腰間及大腿等位置，場面活色生香。
沙灘波不慎被吹落水，有男泳客「獻身」做執波仔。
Moka（右）和小櫻瞓身曬背，完全不理旁人的目光。
口水駁口水
搽完太陽油，她們拿出一個未吹氣的沙灘波，Moka用盡氣力吹了良久仍未吹得脹，惟有叫小櫻接力，她不理食Moka口水尾頂上繼續吹，不一會終於可以正式開波。兩女將沙灘波拋來拋去，上演一場真人「熱浪球愛戰」，看得附近的港男心癢癢！突然一陣怪風來襲，將沙灘波吹出大海，眼見沙灘波愈吹愈遠，她們急得直跺腳，此時一名男客上演「英雄救球」，跳落海為靚女執波，兩女見狀即齊聲打氣，男泳客當然不負所望，不過兩女一句多謝後，就繼續玩自拍，擺明打完齋唔要男泳客！
文：專案組
小櫻Moka互摸誘仔撲波
陳靜兩位國產師妹Moka和小櫻將於暑假「胸降」寫真戰，日前更在沙灘預演寫真騷，勁晒四吋事業線，期間不小心將沙灘波拋出海中心，一名男泳客即自告奮勇喪游撲波，證明兩女胸誘力十足！
今年宣布退出寫真界的陳靜（DaDa），早前專程到上海揀接班人，睇中擁有C Cup上圍的Moka和小櫻，眼大大的Moka樣子甜美，跟日本女星Leah Dizon有幾分相似，至於小櫻則比Moka上圍大一吋，33C身材逼爆，前途無限的二人獲DaDa欽點來港加入寫真戰與港模一拚。
日前Moka和小櫻來港備戰，到淺水灣沙灘谷行事業線「試水溫」！二人甫見大海即大為興奮，急不及待除衫大解放，穿上白色比堅尼的小櫻和彩色比堅尼的Moka，四吋事業線表露無遺。早前DaDa透露欲為她們打造日本妹形象，因此二人做足防曬工夫，互塗太陽油，不避忌地互摸胸口、腰間和大腿等位置，引起不少泳客的注目。然後在沙灘跑來跑去耍樂，上圍激盪，吸引到一班男泳客在附近駐足觀看！
食對方口水尾
其後二人拿出一個未吹氣的沙灘波，Moka「谷氣」吹波波，再由小櫻食口水尾接力完成。然後二人玩拋波，卻不慎把沙灘波掟出海，更愈漂愈遠，此時一名男泳客自告奮勇跳落海撲向沙灘波，兩人即肉緊打氣，男泳客亦不負所望成功救波。縱然「英雄救波」，她們亦只回敬一句多謝便自顧自玩自拍，令男泳客只可遠觀而不可同樂焉。
專案組
小櫻（左）和Moka躺在沙灘蓆上享受陽光，「峰」光無限。
為了保持白滑美肌，小櫻（左）與Moka互搽太陽油防曬。
Moka（右）出盡力吹沙灘波，谷到面珠脹卜卜。
男泳客落水勇救沙灘波，並拋回給小櫻。
留言列表
