close


T恤短褲踢拖加背囊，陳茵媺開工當旅行。
無綫新劇《情越海岸線》呢排長期喺長洲拍外景，劇中一班演員包括陳茵媺、陳展鵬、黃浩然等，日日天未光五點半通告化妝，直踩！工時長之外，離島拍外景轉位要用腳行，唔似得喺市區，有冷氣小巴駁腳咁舒服。


開工似去遠足，豪嫂陳茵媺話日日短褲踢拖去開工，但長洲又熱又曬，就算防禦功夫做足，一樣曬到甩皮，好驚唔連戲。上星期三（六月十三日），拍一場度假屋重開剪綵戲，TVB專登安排傳媒入長洲探班，咁關照，原來係諗縮數，記者影相製造閃光燈效果，唔使嘥一筆，請臨時演員扮，一個三嚿，要夠氣氛點都要有十個八個人，咁又慳幾千。唔係六嬸揸旗，TVB依然保留慳家作風，方逸華精神不改。


陳茵媺唔只有本事搞掂陳豪，冧死佬，女，都一樣得手！ ####


日日凌晨五點半化妝通告，黃浩然話試過拍到第二日朝早八點，直踩廿六個鐘，係拍劇以來最辛苦一次。


拍剪綵場面，TVB call傳媒做探班，搵記者做埋義工，數口甚精。


卅度離島拍外景，陳展鵬熱到要不停灌水。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄