硬膠
越整越衰 Cammi（謝芷蕙）被本刊踢爆摸黑上陳冠希淺水灣新竇「送外賣」後，男方雖然立即發聲明唔認數，又被大爆連環食女，Cammi不堪打擊，在寫真大爆Edison的氹女賤招，洩盡醋火。攞住同Edison艷事做籌碼，與一班刀削面模硬砌，Cammi仲驚唔夠「揪」，加碼炮製尖下巴打寫真戰。點知好做唔做，硬膠下巴活靈活現，手術失敗，搞到要返香港打溶解劑急救。
做手腳
去年靠陳冠希跑出的Cammi，一直被外界揶揄是阿凡達加NelNel混種，唔想俾人嗌NelNel孖生妹，她決定「做手腳」。從Cammi在東京影的寫真相中，明顯見到下巴變得又尖又凸，非常礙眼，衰太重手，打透明質酸過量，變成一嚿硬膠。但本月初，Cammi孖住師姐Rainbow出席活動時，面部又迅速恢復自然。據了解，Cammi拍罷寫真返港後，馬上進行「搶救」下巴行動，到美容院打溶解劑。
無下次
對於整容失敗，Cammi沒有掩飾，直認打壞下巴。「想塊面瘦啲，飛去日本拍寫真前一日，去咗美容院打透明質酸，大概打咗一隻手指尾咁多劑量。第二日就發覺效果太勁，變咗蝦餃下巴，所以返到香港，就第一時間搵醫生打溶解劑。」Cammi說。 Cammi承認今次「裝假狗」決定感到後悔，事關要將下巴回復原形，原來好高難度。「醫生話溶解劑用量唔可以多，否則，有機會連本身下巴嘅骨膠原都溶埋，長下巴變無下巴都有可能，所以唔可以立即回復原狀。試過今次，我以後都唔敢再整下巴。」
寫真前哨
模寫真戰已經玩到第四年，單靠性感刺激宅男神經，難度甚高，雖然熱潮退減，但𡃁模繼續賣肉出寫真，純為谷人氣，希望爆到，有機會返內地登台搵出路。
爆Edison大鑊
Cammi出寫真，講明爆情史係賣點，「男友」Edison亦非常「配合」，爆出接收Juno舊愛Janice緋聞。Cammi打爛醋埕，加料寸Edison大話精，又篤爆對方翻啅自己時種種軟硬賤招。
Rainbow賣點同師妹玩半裸
胡心諾（Rainbow）年齡：20歲三圍：32B、24、32
Vivian賣點初熟性感
羅彩玲（Vivian）年齡：17歲三圍：32C、23、31
Jumbo賣點全身天然
曾淑雅（Jumbo）年齡：20歲三圍：33C、24、35
Mia賣點機械女友
陳靜儀（Mia）年齡：23歲三圍：32C、23、32 模媽陳靜儀（Mia）今年單飛出擊，玩真人版機械女友換衫遊戲，換完三點式泳衣再換喱士內衣，更將電線插入半裸Mia身上叉電，滿足宅男偷窺點玩都得心態。「呢條橋係攝影師度嘅，公司喺網上搵咗個宅男陪我一齊影呢輯相，大家相處咗五日，佢睇住我影相過程，又親手幫我叉電，聽佢講而家都仲好興奮。我覺得呢個concept幾特別，好似真係公仔咁，可以不停換衫。」
Monna賣點半裸爆胸
林宜芝（Monna）年齡：24歲三圍：34E、24、33
Iris賣點真材實料F cup
鍾采羲（Iris）年齡：24歲三圍：35F、25、35
新8模賣點波濤胸湧
由師姐Jeana擔任評判選出的新8模，寫真集全在澳洲悉尼名勝取景，8個女仔連環晒巨咪，當中有嫩版白歆惠之稱的Mia，更得大師姐周秀娜極力推薦，有番咁上下睇頭。
Naomi賣點晒乳環送底褲
馮鎵瀅（Naomi）年齡：27歲三圍：32C、24、34 Naomi（馮鎵瀅）食住李思捷緋聞女友，今年亦加入寫真戰，曾在台灣發展的她，寫真集亦在台灣取景玩即興，有全裸坐摩天輪，公園晒42吋長腿等基本甫士。「我特登為寫真集紋咗個kiss my ass圖案，又會晒乳環，總之重鎚出擊。」
向西女賣點清純賣肉
郭穎兒（Celia）年齡：24歲三圍：32C、24、22 ####
留言列表
