衞蘭搵細妹陪操Kickboxing，半年有成，總算身材回復有前有後。不再是「肥蘭」。
見得人 去年尾，衞蘭（Janice）肥爆現身廣州個唱後，被慘封「肥蘭」外號。老闆黎明睇唔過眼，要她的起心肝減肥，自此，Janice日日操，泰拳加舉啞鈴雙管齊下，半年下來，終於打甩20磅肥肉，向「肥蘭」講拜拜！
衞詩陪練
入行以來，衞蘭一直備受易肥身形困擾；體形失控，連她自己也頂唔順。
「上年做完廣州個唱，Janice見自己成個『逼迫桶』咁，就算老闆黎明冇正式開口叫佢減，但睥咗佢幾眼，Janice都收到喇！佢年尾開始玩Kickboxing，半年落嚟已經見到成績，至少冇咗個肥腩，計落亦減咗二十磅有多。」衞蘭身邊人透露。
練完Kickboxing，衞蘭返到屋企會再做舉啞鈴，每日至少舉四十set，修背部肥肉。
「Janice有時會叫埋細妹Jill（衞詩）陪佢練，互相鼓勵對方。」除了運動，衞蘭平日飲食亦少肉多菜，清淡為主。
謝絕黎明
下月衞蘭在九展舉行三場個唱，因為場地細，製作改以重量級音樂班底做主打；由已淡出香港，北上發展的側田做音樂總監，班底還有側田阿叔Ted Lo、著名爵士樂手包以正等重量級音樂人，為求以歌會友，舞台服裝方面，亦簡單為主。
上週五（六月十五日）晚上七時許，衞蘭約同側田等一眾樂隊成員到土瓜灣練歌。首次擔任演唱會音樂總監的側田，講到明唔想黎明現身監場，免得心情緊張。「上次Janice開個唱，老闆唔想artist緊張，冇特別去監場，不過，就好似有靜雞雞去咗控制台嗰邊睇，但今次去唔去就仲未知！」工作人員說。
肥不得
減肥是女性終身事業，靠相貌搵食的娛圈女星，更加！經歷減磅、反彈、再減磅，想食餐飽，都要付出代價。
欣宜肥人佳音
03年，肥姐寶貝女欣宜立志入行，為減去周身肥肉，以作為張玉珊修身堂做纖體代言人為目標，日日做機，再加上營養師監督，最終由230磅減至137磅，成為一時佳話，還出書講感受，為肥人偶像。
鄭融蘋果減磅
近年鄭融體形暴脹，肥到公司要延後為她安排的工作計劃，被勒令減肥的她，以蘋果為主食，並盡量少肉，加上跑步和跳舞輔助，今年底開個唱有望。 ####
半年前水桶腰
11年「水桶」身形，上中下圍幾乎同樣size，不過現在回復苗條，自信返晒嚟。
今年二月和妹妹衛詩外出購物時，發現當時衛蘭身形已有改善，但仍需努力。（《忽然1周》圖片）
早已北上發展的側田，首次擔任演唱會音樂總監，兩人並會在個唱上開金口jam歌。
側田牽頭的音樂班底，除有阿叔Ted Lo助陣，爵士樂手包以正（下圖右）和Rubberband阿正（下圖右）也有份做樂手。
兩年前衞蘭的演唱會連續換上多套歌衫，但今次則以歌會友，歌衫也以簡單隆重設計為主。
留言列表
