close
依家啲男女感情關係好鬼複雜，媽咪姐有時都聽到O晒嘴！就講「狒狒」同「黃鱔」呢pair過氣情侶吖，明明都分咗手N年㗎啦，但原來直到依家都未斷纜喎。
話說近年「黃鱔」喺香港搵夠名同利，於是開始北上發展，而「狒狒」呢？早就長駐內地拍劇，仲娶埋老婆生埋B㖭！但自命「多情」嘅佢，同「黃鱔」其實keep住有來往，仲借咗自己部內地保母車同司機俾回歸祖國嘅前度用，嘩！體貼到呢！咁阿「狒狒嫂」知道呢件事之後，即刻嘈晒，要老公問「黃鱔」攞番部車，差啲拆天咁滯！你可能會問，借車用吓啫，又唔係捉姦在牀，使唔使咁緊張呀？弊就弊在有次「狒狒」同老婆大被冚過頭嘅時候，唔知醉咗定發開口夢，竟然嗌咗「黃鱔」個名出嚟。簡直係死罪啦！「狒狒嫂」梗係㷫爆，仲搵閨中好友喊咗幾場，去番幾次「濕平」，先勉強平衡到心理咋。之不過，依家「黃鱔」同「狒狒」一樣，主攻大中華喎！睇嚟呢個感情亂局，都幾難收科。 ####
全站熱搜
留言列表
