前港姐王愛倫兒子林建億（Chester），上周被指搞寸「前度」周家蔚婚宴，遭人老公洪天明開名鬧爆。事件發生後，王愛倫聲言會提點兒子，希望大事化小。而一向喜愛夜蒲的Chester，連日來變得低調。上周五，本刊記者發現他做孝順仔，陪伴母親到銅鑼灣歎下午茶，看似想暫時遠離是非。

本身是富二代的Chester，自去年開始在社交圈揚名。由於他高大靚仔，出入又以平治SLS鷗翼跑車代步，身邊女伴多不勝數，加上其父母擁有的資產超過二億，家底豐厚，早已被譽為社交圈的鑽石筍盤。

未知是否受負面新聞影響，林建億上周五陪母親外出，鬚未剃淨，樣子有點憔悴。

洪天明拿出手機開facebook鬧爆林建億搞寸其結婚party，「他是甚麼人？要不要面？溝女死遠啲！」

洪天明大鬧「X街」

朱玲玲密友、曾任慧妍雅集會長的前港姐王愛倫，長子林建億（Chester）早前被指「不請自來」，在前度女友周家蔚與洪天明的婚宴上搞事，除了四圍溝女，又倒瀉水整濕周家蔚。洪天明因而大動肝火，上周向傳媒怒罵Chester「真係X街，正一『X』人！」更聲言要在Chester面上耍套洪拳，怒氣難下。

對此，Chester早前反擊，聲稱是周家蔚的親戚邀請他去飲，絕對不是不請自來：「我同Janet（周家蔚）一直都係朋友，四個月前我仲帶女朋友同佢食飯。喺任何派對上，男男女女交換電話係好正常嘅社交，至於倒水喺Janet身上，當時我只係傾緊偈唔小心，但如果我嘅出現令主人家有誤會及不快，深感抱歉。」為平息事件，Chester與母親王愛倫更先後致電洪天明道歉，又承諾不再騷擾家蔚，洪天明最終表示會原諒他。

林建億（左一）與周家蔚（右二）去年六月一起食飯，他更於微博留言指家蔚是他第三最愛。

林建億時不時搭住母親，表現孝順。