close


外形討好又入屋的李詩韻，等咗八年終獲無綫力捧。反之她經營的化妝學校遇上醜聞，決定退股專心拍劇，也屬明智之舉。
去年底，李詩韻有份做老闆的化妝學校（Technique Beauty School，簡稱TBS），牽涉入美容種金事件，首當其衝的她事後解釋，學校另一合作伙伴公司「名匯」，因違背
推銷指引出問題，自己亦蒙在鼓裡。創業受挫，但李詩韻因劇集《換樂無窮》收得，獲無綫點名力捧。坐足幾年冷板櫈終有轉機，有傳李詩韻決定放棄化妝學校，退股自保。日前，本刊記者發現她返公司搬走私人物品，徹底割席。

撤退執嘢走

二揀一保形象
動用八十萬積蓄，一心創業的李詩韻，搬埋自己做生招牌搞化妝學校，開業兩年業績理想，去年拓展業務，在校舍隔鄰開髮型屋，每月至少有六位數字收入落袋，成為她主要收入來源。明明大好錢途，但近日李詩韻的起心肝，將手持化妝學校的四成股份，轉賣給另一股東「匯川（香港）有限公司」，亦即是曾遭客人投訴的纖體公司「秀身文化」的老闆，據悉，離場的主要原因，是受到無綫施壓。李詩韻有份擔正的劇集《換樂無窮》爆冷跑出，結局週錄得三十八點高收視後，令一直處於樽頸位的演藝事業現曙光。公司正值花旦荒，入行八年的她終於等到機會上位，無綫更打鐵趁熱，將她與視帝鄭嘉穎合作的新劇《拳王》推出街，但因擔心李詩韻再受化妝學校醜聞影響，有損入屋形象，於是向她施壓，生意與演藝事業，只能二揀一。

擸番百幾萬走
三十二歲的李詩韻，為抓緊難得的上位時機，決定放棄做老闆。「公司決定今年力谷Selena（李詩韻）同胡杏兒，但又擔心佢會再惹上種金醜聞，佢係公眾人物，有乜事報紙一定大大隻字寫李詩韻呃錢，所以公司班高層要佢揀！Selena都好掙扎㗎，因為間化妝學校由佢落手落腳打返嚟，又有錢賺，但自從種金事件之後，佢同啲拍檔關係都出咗問題，所以Selena決定退股，執番百幾萬走人。」求證退股一事，李詩韻說：「關於生意上嘅嘢，我唔會再有任何回應。」決定抽身離場，三月才開拍新劇的李詩韻，有時間跟朋友食飯約會，卻未見她返化妝學校打躉。

二月底拜拜
上週二（二月七日）中午，李詩韻跟曹敏莉及數名男性友人在尖沙咀午膳，之後再駕車返回位於佐敦的化妝學校，但她只是停低車，等公司職員將她放在校內的私人物品攞出來。
「二月底佢就正式同化妝學校分手，上個月佢開始返學校執走辦公室啲嘢，應該唔會再返公司。」知情者說。 ####

 

 
上週二（七日），李詩韻雖駕車返化妝學校樓下，等候一男一女職員把她辦公室的物品搬走給她。

 
除了一袋二袋文件，原放在她辦公室的名字牌匾也一併搬走。


回公司執拾細軟後，李詩韻駕車返美孚寓所，並call定外傭在樓下等她，幫手將大件物品拿回家。


不用開工的李詩韻，連日來唔係行街就係約朋友食飯，無返化妝學校打躉。上周她便與好姊妹曹敏莉及數名友人在海港城午膳。


前年化妝學校開張，李詩韻跟生意拍檔齊齊剪綵，但兩年後因學校鬧出醜聞，明哲保身的她決定唔玩退出。


李詩韻將化妝學校持有四成股份賣出，她雖已撤離，但記者發現李詩韻的宣傳相亦掛在校內作招徠。


剛播完的《換樂無窮》爆冷跑出，不單替胡杏兒洗走囧味，李詩韻亦憑此上位。



arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄