818 娛樂八掛大放送★

兼顧工作及家庭，鍾麗緹女兒向她「投訴」，「特別係中間個女，見我著靚衫或者助手嚟我屋企，就知我出去做嘢，會話：『媽咪媽咪唔好走。』」

生了三件、兩段婚姻失敗收場、曾經是萬千少男（宅男？）的「性感女神」，今年四十二歲的鍾麗緹依然對愛情充滿憧憬，「有好多男仔追我，love is everywhere，u know?」I know la !! 屢敗屢戰，勇氣可嘉！

love is everywhere
訪問時間只得半小時，但話題總是離不開「愛」，鍾麗緹說每個女人的夢想是：「結婚、生BB、一男一女、有隻狗仔、有隻貓、有間屋、兩架車……」她結過婚、有三個女兒，我不知她有沒有養寵物，不過她離過兩次婚，對愛情依然有夢想，四十二歲的她說起時仍懷着少女般的笑容，「個個都知道愛情對我嚟講係好緊要㗎嘛！你睇我……唉！你睇我自己……都想了解多啲愛情係點樣啦，哈哈。人對愛情呢個topic係永遠都想學、想知、想了解多啲，係咪先？」跟女性朋友聚會，談的都是愛情，她最想拍一套關於愛情的電影，自己創作故事、自己主演，她有很多idea，「我同啲女朋友傾偈，佢哋話男朋友同佢講乜乜乜，我話：『嘩！咁浪漫，呢句我一定要寫落去。』我想俾個message觀眾，其實每一個女人都想有個男人好浪漫、氹自己、講啲好甜嘅說話，我希望人哋會有共鳴。」
她坦言經歷了很多感情，演起來更加得心應手，「我覺得我嘅生活已經經歷過好多，開心、唔開心，如果有一個角色，將呢啲感情演繹晒出嚟，咁就好自然，因為唔使扮嘛，哈哈。」除了男女的愛，她認為吃東西都是愛情的一種，朋友之間亦可以是愛情，「女朋友就好似bra，corset係幫你support嘛，我覺得係好緊要嘅！所以我希望慢慢搵自己嘅愛情，everywhere when you look around, love is everywhere, you know?」

大男人
以前不喜歡大男人的她，現在希望有個「大男人」，「我每日要教小朋友，要叫佢哋做乜嘢；工作方面，我要叫人安排，如果愛情我都要對方點點點，我好攰呀，哈哈，我諗我要人可以take care到我啦、氹我，乜都唔使我煩，我唔知咁樣算唔算係大男人，但我意思就係咁樣，我覺得我有三個小朋友已經夠啦，哈哈，所以對愛情我係想有人幫我take charge。」想要身邊另一半可以照顧自己，這不禁令人聯想到年紀比她小三年的台灣音樂人前夫嚴錚，她曾經說過二人離婚是因為自己名氣比丈夫大、加上生了女兒令嚴錚感到壓力，那麼一直以來是她養家嗎？她笑得尷尬，望着公關求救，「哈哈，佢都好努力做嘢嘅……到而家我都唔明白男人點諗，哈哈。」最近有傳她有新男友，她耍手擰頭冇回應，追求者呢？她邊笑邊答得官腔：「好多！但我冇時間，都係朋友嚟嘅，我覺得而家真係要focus多啲喺我工作上、同埋小朋友，同埋我自己囉。」雖然兩段婚姻都只有開花、未有結果，但她心口掛住個「勇」字，「每個女人嘅夢想都希望結婚，永遠永遠都喺一齊，白頭到老，我都係想咁樣囉，但呢啲嘢我control唔到，冇辦法，人同life係唔可以咁perfect，最緊要係你點面對呢個situation。」對愛情，她是感覺大過天，年齡、國籍、身家等，通通不在考慮之列，「心地好啦，同埋愛我，係要愛埋我小朋友，愛我係買一送三啦，哈哈哈，因為呢個係好緊要，要愛屋及烏。」

湊女經
自己的感情事及前夫，鍾麗緹不願多講，就連她頸後疑似是情侶「陰陽」圖案紋身都不願被拍，她說是 ○三年於國內紋，那年剛好是她與嚴錚結婚。但談愛情觀，鍾麗緹則滔滔不絕，提起三個女兒，她更是笑不攏嘴，母兼父職，的確辛苦，特別是她與第一任丈夫所生的十四歲長女Yasmine，因為已到了青少年階段，「要抽時間陪佢同佢傾偈，make sure佢OK，哈哈，我會問佢，『點呀？而家有幾多男人追你呀？』make sure我哋有個open communication，之前我真係好似一個阿媽咁，好煩，所以我要改番，咁佢就會放開，肯同我溝通，之前唔得㗎。」至於與嚴錚所生的兩名分別四歲及兩歲的小女兒，鍾麗緹則注重她們的健康，「揀奶粉真係要好小心，因為喺國內有一年嘅奶粉好恐怖，每一次都會返香港買奶粉，而家用緊一隻叫illuma，佢哋食嘢好奄尖，又唔食菜，但奶粉入面乜都有。」工作辛苦，但回到家見到女兒，鍾麗緹就會變得放鬆，她滿足地說：「因為佢哋好單純、好straight、好得意呀，同佢哋一齊好free，會令到你好開心，of course如果佢哋好乖嘅話，呢個感覺係可以以last到all day。」 ####

一向不吝嗇身材的她謂不想像以往般性感露肉，拒絕記者為她借來的tube dress。

第一任丈夫是英國人Glen Ross（左），九八年認識，○二年結束四年婚姻。

一○年二月，鍾麗緹在北京誕下與前夫嚴錚（右）所生的幼女嚴紫凝。

前年佗着幼女時拍攝大肚寫真。

留京發展，因為工作機會多，除了拍劇，她亦有參與上海東方衞視節目「全國舞林大會總決賽」。

早前拍攝電影《親密敵人》，她覺得徐靜蕾自導自演很有才華，她也想拍攝一套以愛情為題材的電影，「關於愛情、relationship，女人始終明白啲。」

女兒一見鍾麗緹回家便會黐着她，她更經常於微博上載家庭照。

九三年奪得國際華裔小姐冠軍。

○一年推出露點寫真《feel...》，現為三女之母，這畫面可一不可再。

夫妻爭執不停　鍾麗緹離婚半年

鍾麗緹（英文名：Christy CHUNG，1970年9月19日－），加拿大蒙特婁出生，中越混血兒，香港演員。

鍾麗緹於加拿大魁北克大學畢業，主修行銷，精通五種語言（英語、法語、粵語、國語、越南語）。其後到香港參選國際華裔小姐而入行，曾主演數十部港產電影，尤以周星馳電影系列最為人熟悉，包括《九品芝麻官之白面包青天》、《破壞之王》、《97家有喜事》。

鍾麗緹曾於1998年與外籍丈夫Glen Ross結婚育有一女，但於2002年離婚。其後再與台灣丈夫嚴錚結婚，嚴錚是台灣音樂製作人，並於2008年7月28日誕下她第二個女兒Jaden，2010年2月6日第三個女兒於北京誕生，2011年兩人離婚。

電影1993年《至尊三十六計之偷天換日》
1993年《白髮魔女2》（飾 凌月兒）
1994年《珠光寶氣》
1994年《人魚傳說》（飾 小美）
1994年《中南海保鑣》
1994年《戀愛的天空》
1994年《神探磨轆》
1994年《九品芝麻官之白面包青天》（飾 吳好緹，台：莫再緹）
1994年《破壞之王》（飾 阿麗）
1995年《叛逆情緣》
1995年《虎猛威龍》
1995年《旺角的天空》
1995年《冒險遊戲》
1995年《流氓醫生》
1996年《太極拳2》
1996年《運財智叻星》（飾 九天玄女）
1996年《食神 (電影)》(客串)
1997年《最佳拍檔之醉街拍檔》
1997年《陰陽路》
1997年《97家有喜事》
2000年《冷戰》
2000年《中華賭俠》
2000年《偷吻》
2001年《晚娘》
2002年《色戒》
2003年《鬼馬狂想曲》飾 林亞珍
2003年《飛龍再生》
2010年《李小龍》（飾 何愛榆）
[编辑] 電視劇2003年《天龍八部》飾 馬夫人康敏