為怕與雙非孕婦爭床位，陸永兩公婆早早已預定浸會醫院，不過當日老婆突然作動，也險要衝閘入急症室。

陸永女兒搶閘，成為娛圈第一個出世龍B！原本預產期是三月的「陸柔」小姐，因為爸爸陸永犯禁，明知老婆將近臨盆，照搬入位於鰂魚涌月租三萬的千呎新居；入伙當日，老婆突然作動，搞到兩公婆倒瀉籮蟹，趕生6磅15安士B女。

動胎氣衝醫院
去年九月，組合「農夫」成員陸永與十九歲女友Rainah奉子成婚，為過二人世界，一直心思思買樓。「陸永係獨子，一向同父母住，結婚之後，一家人住埋喺一齊就有啲逼，所以一直好想搬出去，但因為太太有咗，唔敢搬住。」知情人說。早前陸太Rainah見懷孕情況穩定，便和陸永開始物色新居，終於在農曆新年前，於舊居附近的康怡花園，睇中一個月租三萬的過千呎單位，兩人更不理會孕婦不宜遷居動土禁忌，春節假期後遷入新居。入伙當日，Rainah便因為動胎氣的關係，突然作動。「佢哋啱啱搬，都未執好間屋，Rainah就嗌肚痛，倒瀉籮蟹嘅陸永即刻送老婆入院，十足班雙非孕婦，要衝閘入急症室。」二月七日晚，陸太剖腹誕下六磅十五安士龍B女；並改名陸柔。陸永和太太湊B零經驗，但仍打算親力親為。「佢哋無打算請菲傭，話唔放心交個B外人湊，不過陸永媽咪都答應咗會幫手。」陸太已回家坐月，陸永如非工作，大部分時間留在家中陪老婆，齊齊食坐月餐兼學湊B換尿片。「BB對眼又大又黑，似足媽咪；手腳長長就似爹哋。」陸永結婚未有擺酒，但就打算搞百日宴請親屬好友。

唔黐陳冠希仲好
「農夫」陸永和C君脫離舊老闆陳冠希後，與經理人DJ Tommy合組TG經理人公司，接Job搵銀更勝從前，電影、內地巡迴酒吧騷，大小通吃。雖然未有出碟一年，但二人估計年入超過五百萬以上，可以脫貧搵到首期買樓，但礙於市道不明朗，才不敢輕舉妄動。陸永成家立室搬入千呎屋，拍檔C君也豪擲三十萬，訂了一部紅色Audi A1，新玩具五月到。

密執五百萬
過去拍住陳冠希（Edison）好睇唔好食，「農夫」離巢後，密食當三番，過去一年執超過五百萬。 ####

 
陸永的B女「陸柔」，雖然早產一個月，但都有6磅15安士重。


湊女初哥陸永，小心翼翼托着女兒，這幾天兩公婆還日日跟太太的外婆，深造如何湊B。


陸永特別挑選離舊居不遠的康怡花園為新居，方便母父探訪。

 
陸永同太太Rainah奉子成婚，結婚沒有擺酒，但就打算擺百日宴，宴請至親好友。


兩部賀歲片《八星報喜》和《喜上加囍》，陸永都有份參與，大小通吃，在《喜》片上，還力追吳卓羲女友張馨予。


農夫和麥玲玲份屬好友，陸永為女兒改名前，特意諮詢麥玲玲意見才定名「陸柔」。


陸永成家立室搬新居，C君也換靚車，買入三十萬紅色新Audi A1。


arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄