由占美霍士同里安納度主演嘅《黑殺令》，由於月頭已被「美國電影學會」選為 2012年度十大電影，片未上已攞頭彩。
西面
里安納度 cult入奧斯卡
38歲的里安納度，演技出神入化，扮乜似乜，拍科幻片《潛行凶間》難唔到佢；年頭仲扮埋基佬演出《 J．艾德格》一樣人人讚。
里安納度好戲冇人質疑，弊在入行超過 20年都係同奧斯卡擦肩而過。踏入 2013年，里安納度將有 2套奧斯卡大熱片上畫，打頭陣係由怪雞大導昆頓塔倫天奴（ Quentin Tarantino）執導的西部 cult片《黑殺令》（ Django Unchained），轉攻 cult片已超突破，今次更反傳統挑戰演大反派。雖然只係做配角，但就搶晒主角占美霍士鏡，攞唔到奧斯卡影帝，分分鐘俾佢扑中個男配角喎！
出名係 cult片大導的塔倫天奴，鍾意用美國西部做背景拍電影，新片《黑殺令》亦玩西部牛仔 feel，講美國南北內戰爆發前，文武全才的黑人奴隸占美霍士，被醫生用錢贖身後，一齊聯手追捕壞人，完事後為尋回失散的妻子，再向另一目標就係里安納度飾演、視黑奴為狗的變態大地主埋手。得罪惡霸，最後梗係惹來殺身之禍！
戲中里安納度飾演專虐待黑奴嘅大地主，睇佢揸住鎚仔扑人頭個樣超變態，正因為做奸角做得夠狼死，前週公布嘅「金球獎」候選名單，里安納度再度被提名角逐「最佳男配角」獎。
妹仔大過主人婆
《黑》片話就話係奧斯卡影帝占士霍士做主角，但飾演大奸角的里安納度，因首次拍住怪雞導演塔倫天奴演 cult片，加上角色又講佢超變態，無論演技、表情及動作都極度浮誇，加上奸角比忠角有更多發揮機會，不少傳媒亦將焦點放在里安納度身上。
今次雖是塔倫天奴同里安納度首次合作，但原來塔倫天奴早於 4年前拍《希魔撞正殺人狂》時已想搵里安納度演猶太殺手角色，但對方當時因有 3套戲開緊工，所以冇時間合作，上年雙方終於度掂期而且一拍即合。對於第一次同里安納度合作，塔倫大導狂讚：「佢（里安納度）好有演戲細胞，無論科幻、愛情、動作甚至劇情片都難唔到佢，今次演 cult片，唔使我教佢都做到我心目中要求，佢演技好神奇。」
最近里安納度同 22歲女星 Margot Robbie因拍新戲《 The Wolf of Wall Street》而撻着。戲中 Margot唔只要着泳衣騷身材，更同里安納度上演情慾車震戲。 2人演得咁投入，唔撻着至奇。
新女細 16年
黑奴受虐
故事開頭，講占美霍士雖然有智慧又有一身好武功，但本身係黑人嘅佢，一早被賣去做奴隸，而且仲要被主人虐待，認真慘。
醫生贖身
好彩之後，飾演醫生嘅 Christopher Waltz（左）幫佢贖身，但條件要占美霍士幫佢暗殺死敵 Brittle。而占美眼界超準，一槍已射中目標人物。
一擊即中
夫婦逃離
占美霍士同老婆 Kerry Washington被賣去做奴隸。失散多年後，好彩重遇，但就被里安納度追殺，兩公婆迫住要逃離。
《黑殺令》
留言列表
