close
FBI
王祖藍扮小倩擸錢
每逢年尾,都係一班港星返祖國搵銀 嘅好時機,今年買地又起樓 嘅王祖藍,上週二到深圳出席深圳衞視舉行 嘅跨年晚會「聲振新世界」,祖藍除 咗做大會司儀外,仲繼續扮鬼扮馬,繼之前扮葫蘆娃爆紅強國,當晚佢又突然扮《倩女幽魂》嘅聶小倩出場,笑爆肚,唔怪得佢喺內地愈搵愈多啦。
當晚出席 嘅卡士一啲都唔弱,有范冰冰、謝霆鋒、鄧麗欣同方力申。祖藍一見范冰冰仲即刻抽水,問冰冰介唔介意男友矮過自己,點知見慣大場面 嘅冰冰忽然語塞,呆 咗幾秒先識得打圓場話︰「只要投契就沒有所謂。」叻女!
祖藍扮小倩咁重口味,但深圳觀眾好受落,成為全晚高潮位。
表演嘉賓中,竟然殺出謝霆鋒,當晚佢唱咗 99年嘅作品《謝謝你的愛 1999》,首歌係就係舊到爆,但台下反應一樣熱烈,呢啲咪強國 style囉。
方力申 Stephy上床
近年主打國內 嘅鄧麗欣,難得肯同男友方力申情侶檔演出,仲着埋情侶睡衣上台,不過,普通話真係麻麻,搞到「上床位」變 咗觀眾借尿遁嘅「廁所位」。
全站熱搜
留言列表