段片雖然有成 11分鐘,不過 Jasmine就話:「成條片用咗兩個禮拜搞掂,片中仲有老師客串,拍嗰陣仲要勁熱,拍到身水身汗!」
U Spy
瑪利諾版《那些年》 同學喊住睇
導演 Jasmine
片段上載咗幾日就有成 5萬人睇,同啲明星片嘅 hit rate差唔多,認真唔簡單!
Grad din當晚 7個美女盛裝出席, Jasmine仲話:「睇片嗰陣個個都話好感動,我都忍唔住眼濕濕!」
片段當日在謝師宴上播出,連學校校監李麗雲都要用手機拍低留念!
理大仔唱歌爭取「𥄫女科」
近排正值大學考試,個個學生都匿埋喺圖書館同宿舍狂溫書!不過 Spy發現有 3個 Poly仔溫溫吓書,就用 20分鐘作咗首〈巧屎歌〉為同學減減壓, upload上 fb同 YouTube幾日已經有近 5千幾人睇,仲勁多 comment大讚!
多人讚只因歌詞有共鳴,好似有一句「如果 Poly有𥄫女呢一科,我會每日努力溫功課!」而拍攝技巧亦係吸引人嘅主因, 3個 Poly仔由宿舍 14樓一路自彈自唱跑到落 1樓,一 take過冇 NG外,其間 3人一路跑一路唱都冇氣喘,都算高難度。
有份唱歌同責負彈結他嘅歐陽德輝(歐陽)就話:「其實都係考試太緊張想 relax吓,想表達嘅都喺歌詞到交代晒喇!同學仔放鬆啲啦!」
3個 Poly仔就係喺 Poly後樓梯拍片,而歐陽(右)就負責彈結他,邊唱邊彈, Spy睇到都忍唔住笑!
〈巧屎歌〉歌詞節錄
撰文: U Spy
全站熱搜
留言列表