記者在電視城找到正在拍劇的李霖恩作回應，他坦承早前在駕駛途中，因出現半身麻痺，由白車送院治療，現正排期測試睡眠。
名人私生活
搵錢養家 李霖恩捱到病
半身麻痺
身形比之前明顯瘦了的李霖恩（ Glen），對於現身醫院一事，本來仍想隱瞞，怕令家人朋友擔心，但為免愈描愈黑，終於坦白病情，他坦言：「早排我揸車時，突然覺得啲血由腳衝上來，眼前嘅事物變得好慢，好似逐格重播咁，我都好驚，即刻打死火燈停埋一邊，自己打電話 call白車。」憶述當日危急情況， Glen仍猶有餘悸：「救護員來到問我邊度唔舒服時，我已感到半身麻痺郁唔到，仲有少少口齒不清，佢哋俾氧氣我吸，幫我做檢查，然後送我入威爾斯親王醫院。」
幸好他未到醫院，麻痺的感覺開始逐步減退，在急症室時醫生幫他做了心電圖，證實他沒有突發性心臟病，「但我驚係中風。」由於沒有即時危險，當日他離開醫院後乘的士返回電視城，結果被監製徐遇安和非戲劇總監曾勵珍勸停工，返家休息。
行色匆匆的他離開醫院後，即返回電視城開工。 
本月初，李霖恩現身將軍澳醫院。 
入行十一年的李霖恩，是前保安局局長李少光（左一）兒子，他於○八年與女友方燕凌結婚。 
愛吃肥膩食物的他，為健康改變飲食習慣，「要食多啲瓜菜。」
身兼多職
他與太太育有一子一女，大女清宜今年四歲，細仔浩宜只有十個月大。
本身已有膽固醇高的李霖恩，今次身體響起警號，令他更要正視問題，為求安心，在家人安排下，做了全身檢查，「我媽咪即刻幫我 book私家醫院照腦，做咗腦部磁力共振，仲打埋顯影劑來照，好彩腦血管無閉塞。」
仔細老婆嫩，三十三歲的 Glen為了賺錢養家，除了無綫的正職，又兼做品酒師和保險經紀，經常唔夠瞓，去年幼子出生，令他精神更緊張，終於出事，「當時太太好驚，父母都好擔心，但今次唔舒服，自己學識放鬆和節制。」
近期《愛•回家》因收視好加碼至五百集，他日夜忙開工，只完成了心臟和呼吸系統檢查，身體其他部分就仍未做，尤其醫生指他有機會患睡眠窒息症，但因要留院觀察，李霖恩一拖再拖，「我依家未算係安居樂業，所以要搏殺搵錢俾老婆、仔女，等佢哋生活有保障。」
在《愛》劇中，他飾演有錢仔律師樓尚友。 
處境劇《愛●回家》收視理想，加碼至五百集，李霖恩亦有份出席上週的劇集祝捷會。 
撰文、攝影：名人組
留言列表
