818 娛樂八掛大放送★

孖周麗淇半夜踩單車 苗僑偉：唔辛苦

拍劇要捱更抵夜，一點也不稀奇。早前無綫新劇《好心作怪》於凌晨時份在近荃灣青山公路一段，拍攝大型單車比賽場口。當晚三哥苗僑偉拍住周麗淇（Niki）和其他演員，以全副單車裝上陣，在現場踩完又踩，來來回回。差唔多拍完時，已是晨早5時許，三哥一見記者也感愕然，但笑言半夜拍劇一點也不辛苦，夠晒經驗老到。採訪：吳君豪

當晚出動了十幾二十部單車，演員陣容除了三哥和周麗淇兩位主角外，還有胡諾言、賈曉晨（JJ）、沈震軒和汪琳等，都算大陣仗。由於個個都着上了單身裝，驟眼看還以為是真實的單車比賽。

只見各人在公路上來回咁踩，胡諾言、沈震軒和JJ先踩到終點，並在路邊等候，此時沈震軒才爆一句：「我哋拍緊《好心作怪》吖！」而JJ則笑笑口說：「你影唔緊要，最緊要影得我靚啲。」

之後三哥和周麗淇也完成賽事，但因周麗淇腳傷未瘉，所以她拍畢後即急急上了公司車休息，準備離開。反而三哥好奇地問記者：「你又知道我哋拍嘢？」雖然他表現愕然，但問三哥辛唔辛苦時，他隨即跟記者講笑說：「唔辛苦，我哋o依家都走咯，因為你嚟咗。」事實是這個場口已拍完，終於大家都可以收工返屋企瞓覺咯。

雖然三哥苗僑偉年屆54，但着上單車裝仍好Fit。

賈曉晨到終點後，即除低頭盔休息一下。

周麗淇踩完單車後，急急腳上車離開。

周麗淇雖然腳傷未瘉，但拍攝時仍親自上陣，十分專業。

胡諾言（前左）和沈震軒（前右）拍畢後，站在路邊等候。

早前苗僑偉（前右）已拍了一場大型的單車賽場。