近日掀起城中熱話的迷幻飯局，有指徐濠縈、何超儀、剛新婚的葉佩雯以及 LMF等合共廿三人牽涉在內，為盡快息事寧人，大部分均封口避風頭，只有勇字掛心口的徐濠縈唱反調，硬將事件愈鬧愈大，大鬧食店老闆黃浩是人渣之中敗類。老公係歌神囡囡康堤讀名校，徐濠縈罔顧後果的做法，就連老公陳奕迅亦睇唔過眼叫收聲，兩公婆各持己見，卒之吵大鑊收場。
老公唔撐，徐濠縈一怒之下於上週三（十一月廿八日）單拖飛往東京，展開五日四夜瘋狂之旅，喪買碌卡發洩激老公，可惜 Eason無反應，計劃失敗的徐濠縈推住一大車戰利品返港，嬲到木無表情。
何超儀玩低調
E神發火
連何超儀都收聲，唯獨徐濠縈一人勇者無懼，風頭火勢還飛到日本東京行街買衫。
「其實唔多人知阿徐飛 咗，唉，冇計啦，佢呢鋪搞到咁大鑊， Eason嬲到爆燈，發晒脾氣叫個老婆收聲，唔好將件事愈搞愈大。
「平日阿徐形象已經夠負面，俾人話大花筒亂買衫，加上囡囡康堤讀名校，都驚單嘢影響到小朋友，其實 Eason好少咁大聲鬧阿徐，兩公婆卒之吵 咗鑊甘，阿徐激到一支箭飛 咗去東京，喪行街買 嘢當換季發洩，諗住咁可以激番 Eason轉頭，點知佢老公忙緊北京音樂會無理佢，阿徐都冇晒心機啦。」徐濠縈身邊友人說。
徐濠縈五日四夜發洩之旅結束，週日（十二月二日）晚上從東京飛返香港，晚上八時記者見她一人推着一個大行李篋及三大個旅行袋戰利品出閘口，上前追問她從哪裡回來、 Eason點解無同行等問題，徐濠縈一直木無表情，自顧玩手提電話，未幾更黑面大鬧說：「影夠未呀？我無化妝，影 咗咁耐夠喇？我唔會答任何問題。」說罷便登車離去。
撐無可撐
曾多次高調力撐老婆是「新世代女強人」的 Eason，無論徐濠縈遇到幾多負面新聞，都會開聲撐，唯獨「開飯」事件，例外。
洗腳唔抹腳
徐濠縈常被傳媒影到行街買名牌，每次 Eason都力撐：「使極都有，吹咩！」老爺陳裘大坐監時，又被發現瘋狂購物， Eason繼續撐，「唔通要佢响屋企守寡咩！」仲話老婆平時好慳，只買二手衫著。
愛蒲唔湊女
徐濠縈識 Eason前已經鍾意夜蒲，婚後生埋女後依然唔黐家，經常出席 event兼周圍飛，冇時間湊女， Eason話因為阿徐有自己時裝店，所以要周圍飛入貨，「唔怕，佢蒲咁多都有時間照顧家庭，係外間啲人冇嘢寫啫。唔好話我偏幫老婆，佢咁瘦，照顧個女已經好辛苦。」
得罪強國人
今年 7月， Eason生日放大假，同妻女到加拿大旅行，食午飯期間被偷拍，徐濠縈於是反拍對方放上微博並留言說：「沒有禮貌的中國人！」終被十萬強國人留言群插，要馬上刪除微博。雖然今次 Eason無就事件開聲撐老婆，但之後推出新歌《非禮》，內容暗嘲強國人是蝗蟲螻蟻，以另類手法表現夫妻同心。
雷凱欣放料
另一邊廂，聲稱擁有藝人在自己食店內吸毒片段的黃浩，突然被爆出於○九年到台灣參加迷幻派對，甚至有人打去報館報料，指擁有黃浩跟六十八名模的床照，事後黃浩稱被藝人恐嚇，到了警署報案。
由藝人吸毒新聞變成食店老闆女花邊新聞，外界有指雷凱欣（雷神）正是向傳媒發放黃浩迷幻派對密照的報料人，「講開又幾好笑，雷神本身係 Kenny（黃浩） 啲朋友，後來經對方介紹，識 咗做公關公司老闆嘅男朋友 Jack（陳智聰）， Jack本身同 Eason玩埋一堆。」
「近年 嚟， Eason喺上海、北京等地 嘅活動，好多時指明要俾 Jack有份投資 嘅公關公司負責，帶挈老友搵錢。雷神自從拍完《 3D肉蒲團》，開始全職做跟得女友，甚至陪男友、 Eason周圍飛開工，雷神最大 嘅作為就係煮飯俾大家食，咁佢煮 嘢真係有一手，何超儀、阿徐佢 哋都讚佢勁，雷神好鬼自滿，可以識到班出名 嘅明星，周圍同人晒命。直到迷幻飯局被人爆 咗出 嚟，雷神懶有情義話要幫朋友出啖氣，於是放料俾傳媒，以為自己好有義氣，其實背後俾人話 cheap唔念舊出賣黃浩。」雷凱欣友人透露。
同時亦有指照片其實由電台 DJ細 So（蘇耀宗），瞞住第二任太太阿 Wing發放傳媒。據知阿 Wing及親妹先後與黃浩拍拖，故擁有上述照片，而細 So自把自為做法，最終激嬲老婆，阿 Wing一嬲下搬返娘家，二人婚姻陷入危機。
報警專家
黃浩無論自己做錯還是他人做錯，事無大小都愛報警求助，他愛利用警力的作風成為圈內笑話，人人皆知。
12年 11月
徐淑敏的護膚及香薰治療產品生意，有客人網上訂逾千元貨品，貨品送出後訂貨人卻聯絡她稱未收到貨，為咗一千蚊同老公齊到警署報案，又咁啱俾記者影到。
11年 10月
LMF成員 Kevin幫襯黃浩開設的食店時，因收費問題與員工發生爭拗，原本雙方已傾掂數，表示只係一場誤會，但後來有人在微博留言，要到食店「掃場」，更有員工擔心安全要辭職，黃浩於是報警求助。
10年 1月
與徐淑敏晚飯時跟記者發生衝突，黃浩用心口推撞記者並大吐口水，還聲大大報警，結果，黃浩被控一項襲擊罪。 
留言列表
