close

美國巨星 Jennifer Lopez出道二十年，上週二才首次來港開 concert，一眾只肯在香港島活動的上流人，專誠到機場博覽捧場；巨星有價，親情價更高，陳樹渠女兒陳燭光表演 Tango，胞兄陳耀璋俾錢買飛叫老友捧細妹場，夠兄妹啩。

鍾楚紅何超盈撞到正

 

鍾楚紅近年以嘉賓、代言人身份「回歸」娛樂圈，幾乎每隔兩週便見報一次，想不到連 concert都見到她芳蹤，「國際性都會睇。」紅姑五十有二，但衣著成個後生女，最勁是她跟只有廿二歲的四太女何超盈（右圖），著埋同一款 Isabel Marant sneaker，當真人老心不老。

 

 

薛芷倫解甲

放大圖片
 

 

 

已改遲到惡習的薛芷倫，睇 concert不但有早無遲，甚至卸妝解甲不見 deep v暴乳深溝，封胸穿水靴到場。她話約了朋友睇國際巨星，至於有無男友，她故弄玄虛，「唔可以透露住。聖誕節派對搵 partner都未講得住。」咁神秘似乎有啲嘢。

 

陳燭光阿哥包場

 

已故教育家陳樹渠的女兒陳燭光，週日晚出席《樂韻悠揚燃希望》慈善音樂會，並以表演嘉賓身份大跳 Tango，適逢本月十號是她生日，哥哥陳耀璋（圓圈）好識做，買飛請朋友來捧場之餘，仲在君悅包場為阿妹慶祝生日添。練舞練咗成個月的壽星女話：「籌到六位數都好開心，不過我練到扭親頸同腰，今日係帶傷上陣。」

 

 

放大圖片
 

 

 
放大圖片
 

 

 
 

郭永聰母子上陣

 

許晉亨外甥兼演藝學院校董會成員郭永聰，在慈善音樂會同媽咪合唱《 The Prayer》大獲好評，他開心的說：「我十幾歲跟老師學唱歌，細個仲參加過無綫喺雪梨搞嘅新秀，表演時幻想自己係空中飛人會 relex啲。」孖太太 Flora來捧場的哥哥郭永亮（小圖）都話：「唱歌，佢叻啲！」

 

 

放大圖片
 

 

 
放大圖片
 

 

 
 
arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄