close
CIA
中國 Angelababy笑《好聲音》白癡
近年密密返大陸搵人仔 嘅 Angelababy，今年初先至因為傻更更洩露佢代言 嘅相機新型號機密，而被廣告公司追討巨額賠償。事隔唔夠一年， Angelababy又 喺內地瀨 嘢。
上月尾佢連同馮德倫、吳彥祖等《太極》班底出席內地節目《中國好聲音》總決賽 嗰陣，竟然又講錯 嘢，佢一出場就話：「其實我們《太極》的故事就是從零開始的故事。我覺得好像跟《中國好聲音》一樣……每一個學員都是從零開台，從白癡到大師……」 Baby講到呢度 嗰陣，幾位評判好似庾澄慶同那英已經忍唔住先「 O」嘴大笑，最大鑊 嘅仲係主持人都 get錯 Baby意思幫佢兜番話：「她的意思是從零開始……」話晒《中國好聲音》最高收視高達 14.25%，到現時為止一直高踞全國最高收視綜藝節目 No.1， Baby當住咁多強國人出醜，真係要檢討吓唔好一錯再錯喇。
Angelababy同馮德倫仲有吳彥祖一齊出場，兩位男士都講兩句就拋個波畀 Baby講， Baby講完《太極》嘅宣傳口號「從白癡到大師……」仍然唔覺有唔妥，繼續指手劃腳講白癡。
評判「 O」嘴
講完《中國好聲音》 嘅學員（參賽者）係白癡後，評判庾澄慶（右一）同那英（左二）即時「 O」晒嘴兼你眼望我眼大笑。
《中國好聲音》 嘅冠軍係由唱搖滾歌〈回來〉 嘅梁博奪得，不過賽後即傳出佢係因為被贊助商「加多寶涼茶」看中，希望搵佢做代言人，先至攞到冠軍。 
全站熱搜
留言列表
