短褲上陣的謝霆鋒上月尾同車沅沅在中環擺花街撐枱腳食雲吞麵，霆鋒被記者發現後依然冇黑面，同沅沅一樣笑笑口，心情靚爆！
真面目
拍住上 5月離婚 8月聯名 霆鋒車沅沅離奇搭上
片酬千二萬，投資又有道的謝霆鋒，多年來購入中環擺花街 5個街鋪， 03年開設的後期製作公司「 PO朝霆」又計劃於年底上市， 32歲已擁有超過 5億身家。
霆鋒生意愈做愈大，瓣數愈來愈多，上月更被發現跟經營餐廳兼相識超過 10年、大自己 5歲的車沅沅於中環撐枱腳食雲吞麵，為進軍飲食界作準備。本刊更發現霆鋒於 8月時與車沅沅開了一間名為「鋒車飲食集團有限公司」，愈行愈埋。
02年接手由母親車綺芬開設的中餐廳「車氏粵菜軒」的車沅沅，由於圈中人緣唔錯，加上餐廳屬米芝蓮推介食府，吸引到多年老友王菲和徐子淇等名人明星幫襯。
8月新開的「鋒車飲食集團」，創辦單位是霆鋒的「朝霆飲食」及車沅沅，前者佔 75%股份，後者則持有 25%，而公司所報的銅鑼灣開平道地址，則與霆鋒的「 Po朝霆」一樣。
食麵期間，貴為後期製作公司老闆的霆鋒頻頻微訊。
聯名搞餐飲
沅沅搞飲食成績有目共睹，連心郁郁想開餐廳的霆鋒，亦即刻向沅沅取經，更不時被影到孖埋拉姑周圍試菜。早前，兩人約埋去霆鋒地頭擺花街搵食，識飲識食揀了富豪至愛雲吞麵店羅富記開餐。歎足一粒鐘，兩人前後腳步出鋪頭，霆鋒更刻意墮後避免跟車沅沅合照，不過霆鋒出名有風度，當晚讓沅沅先上車，其後一齊由司機接載離開。
本刊發現 5月離婚的霆鋒，與沅沅早於 8月時用自己名各取一字聯名開了「鋒車飲食集團有限公司」，地址亦是霆鋒位於銅鑼灣的寫字樓。據知新餐廳選址多數會揀霆鋒其中一個鋪位。
沅沅同霆鋒 02年一齊拍電影《魂魄唔齊》，但之後已甚少合作。《蘋果日報》圖片
車沅沅與老外男友拍拖近兩年，但一直未有聲氣結婚。《忽然 1周》圖片
雀腳知己
王菲與沅沅經常約埋打麻雀，沅沅因此識到王菲當時的男友霆鋒。《壹週刊》圖片
簽杜琪峯
沅沅離開商台後，簽了杜琪峯的銀河海潤演藝有限公司，早前同張學友拍了《一個複雜的故事》。
王菲麻雀腳
其實 32歲霆鋒與 37歲車沅沅相識超過 10年，據知兩人是透過霆鋒的舊愛王菲認識。除了栢芝，霆鋒以往的女朋友皆比自己大，絕對是姊弟戀先鋒。「阿菲同沅沅差不多同期出道，又係麻雀腳，咁 啱嗰時阿菲同霆鋒拍緊拖，所以成日約埋一齊開枱！不過阿菲同霆鋒散 咗之後就好少再約埋玩，係今年先突然見密 咗！」知情人士透露。
識於微時，二人又合作過拍電影《魂魄唔齊》，加上現時兩人又有飲食經呢個共同話題，自然一拍即合，愈行愈埋。
週日本刊致電沅沅，詢問跟霆鋒合作原因，沅沅在電話中表示唔得閒回應，「我 𠵱家唔喺香港呀，你打畀我經理人啦！」但截稿前車沅沅的經理人及霆鋒助手「表哥」仍未回覆。
富貴沅沅餐廳旺場
與鄭秀文、許志安同屬新秀出身、第 11屆冠軍車沅沅，父母是粵語片明星張英才及車綺芬， 02年車母因盜竊及洗黑錢被判入獄，後因健康問題獲假釋，但 07年因肝病去世。母親犯官非期間，車沅沅接手位於灣仔駱克道的「車氏粵菜軒」，招牌菜有叉燒酥、鮑魚等，現時是米芝蓮推介食府，極多名人幫襯。而沅沅雖然在香港冇持有任何物業，但據知佢已繼承母親的豐厚遺產，身家應該有番咁上下。
沅沅與母親感情要好，可惜 07年車母病逝，令沅沅要獨自經營餐館。
「車氏粵菜軒」提供中式點心及小菜，經常爆場，招牌菜有叉燒酥。
《飲食男女》圖片
栢芝繼續食自己
離婚後，霆鋒一有時間就同前妻張栢芝陪兩個寶貝仔去玩，確保小朋友有父母疼錫。《蘋果日報》圖片
上月被影到一家三口溫馨游水的謝霆鋒張栢芝，睇落好似復合有望，但事後霆鋒講到明要仔唔要乸，「囝囝仲細，只想帶畀佢健全家庭， 𠵱家感覺舒服就 ok，學校有時要影全家福，就算做戲都要影，一切以兩個仔為主！」霆鋒開到聲話係大龍鳳，栢芝想唔死心都難！ 
留言列表
