唯唯親力親為，唔使拍劇便會落鋪打點及招呼客人：「但我最怕做收銀，計數好差！」記者考他，客人食咗$48.5，畀一百蚊，找幾錢？唯唯計了十秒才答：「五十一個半。」答對，但太慢囉。
真面目
小報告 明星開鋪潮 梁烈唯賣點心掘金
做藝人有名但未必有利，唱片式微、做電視台打份工想發圍更加有難度，所以好多藝人實行開鋪做生意，勝在靠自己生招牌容易吸客兼搵投資拍檔，實行自己做老闆搵第一桶金。
近年拍劇當紮的梁烈唯、林子善同「美女廚神」小儀都進軍飲食業；港男高鈞賢、舞王狄易達就設校授徒。做藝人唔長久，有實業揸手點都安心啲嘅！
皇國點心
地址：旺角黑布街 15號地下
投資： 170萬
每月盈利：$96,000
唯唯話最怕飲茶要等位，所以開點心店方便顧客，更主力推介懷舊點心，鵪鶉蛋燒賣、雞球大包、牛肉燒賣等都有得食。
客人謝小姐（右）認得梁烈唯鬼咁開心，並不忘畀意見：「如果多幾款茶揀吓更加好。」唯唯即時話會考慮。
旺角區有幾間類似皇國點心的新式點心店，競爭好大，唯唯話：「最緊要食物質素高，邊個 artist宣傳都唔係重點，次要係服務要好。」
無綫上位王梁烈唯（唯唯）近期入股朋友開設的點心店，聲稱開業投資要成 170萬，他說搞飲食是他的夢想：「夢想係搞私房菜，每晚只做一枱客，自己煮，有機會我都想讀中華廚藝學院，學吓啲正規手藝！」
未入股前，梁烈唯先在表哥的茶餐廳做樓面學嘢，偷師成功自己做老闆更加得心應手。「做茶餐廳好易俾人穿櫃桶底，啲數成日唔啱，聰明嘅老細唔使同伙計拗，轉晒用電腦入單就冇得出蠱惑。另外買手（買食材員工）亦好易出事，一係買得唔靚，或者買啲嘢好貴，可能收咗人哋佣，所以一定要請啲信得過 嘅人做。」
孭住 TVB藝人身份，唯唯話要更加小心。「藝人搞生意有辣有唔辣！生意係會多咗，但如果有啲唔好 嘅新聞就會直接影響生意，啲嘢食壞人更加首當其衝。」
林子善顧客大晒
子善拍檔本來想開茶餐廳，但子善覺得周街茶餐廳冇得做，冰室就有特色好多：「我好保育 嘅， 啲懷舊 嘢應該留低， 啲客食飯飲杯 嘢都有 feel啲啦！」
林子善同《熱浪球愛戰》導演鄧東明合資，今年 8月底喺港島大坑開龍鳳冰室，炒蛋、雪糕紅豆冰好食到街知巷聞，開鋪未夠兩個月已接近回本。
但開鋪初期接過唔少投訴，林子善說：「有個客埋單時同我講：『 啲紅豆硬過你條命喎』，有 啲就投訴 啲飯太多水，我咪 喺個客面前倒晒去再煮過囉，我情願 嘥少少 嘢，但留番我個客。」
喺 TVB日日對於班姐仔兼高層，亦訓練林子善對客的 EQ，子善笑笑口話：「我日日對住班阿哥阿姐，個個有性格㗎，我連佢哋都冧得掂，其實對客一樣，最緊要滿足佢哋要求啫。藝人身份令我搵到錢，亦應分承受番更多壓力囉！」
龍鳳冰室
子善初初覺得在大坑開冰室有風險，但做落發現好多食客非富則貴，有些則是來看明星的。與拍檔每人投資 60萬，計落每月已有錢賺。
地址：大坑浣紗街 6A地鋪
投資： 60萬
每月盈利：收支平衡
小儀人肉米奇
小儀受訪當日親手包沙葛餃餵客人食，熟客 Ricky話：「附近冇乜車仔麵檔，個個星期 嚟食幾餐 㗎！小儀手勢幾好， 嚟到見到佢幾開心喎！」
小儀今年 4月與友人在佐敦合資車仔麵店，是她首次經營飲食業，她說：「有個朋友十年前同我講：『你笑得幾多年 吖？幾廿歲為吓日後啦，你死好命至仲 喺度捱緊！』我一直記住㗎。」
其實麵店是佐敦老字號，但曾因加租迫遷到後巷，小儀和朋友就睇準時機入股，在廟街找到鋪位重新開業，舊老闆兼廚師繼續坐鎮。
「我 哋增加 咗好多特色食物，好似竹炭法包蝦多士、瑞士汁雞翼；而車仔麵會 keep住水準，長遠呢類食物留得住客嘛。」小儀除了幫手鑽研美食，另一任務是同客人 social：「我係米奇老鼠專同客影相。」
麵麵店
麵麵店雖然是新鋪，但裝修是參照七十年代食肆，長木 枱木椅好有懷舊味道。
地址：佐敦廟街 274號地下
投資： 30萬
每月盈利：$30,000
突擊試食
明星開食肆會唔會好睇唔好食？本刊就派出兩名素人試食團 Jack同 Vicky，突擊試晒三間食店，睇吓佢 哋係咪真材實料！
Jack
龍鳳冰室 嘅餐肉蛋米佐治最正，蛋好滑、三文治又夠厚，薯條就普通咗啲！
麵麵店 嘅麻辣豬雜撈冇得頂，麵身香又煙靱但嫌唔夠辣！
Vicky
皇國點心叉燒酥好鬆化，叉燒唔太肥 啱女仔食。
麵麵店 嘅竹炭蝦多士黑色好特別，蝦膠彈牙夠新鮮！
蛋治正
靚叉酥
撈麵掂
彈蝦膠
慘蝕收場
王祖藍唔識做生意
10年王祖藍與趙雪英等合資在尖沙咀開甜品店「心飴」，可惜蝕本收場，祖藍曾灰心咁話：「直頭係生意失敗。」相信唔敢再搞生意。
成功人辦
Bob 2年開 3鋪
一向搞笑的 Bob喜歡落鋪 sell客，有客人要合照， Bob都會順帶 sell：「買 啲戴吓啦，戴起成個靚晒啦！」落力過 sales。
一向有做開潮服生意的 Bob（林盛斌）今年 5月再於大埔超級城 A區開首飾店 NATKIEL，又在油麻地租百多呎寫字樓出租， Bob話：「時裝店賺到錢用嚟投資其他嘢，錢搵錢，生意至會愈做愈大嘛！」
除咗搞食肆，有人亦諗新搞作，如高鈞賢便剛開了一間用英文教跳舞學校，獨市生意實行搵細路錢。
教學組
高鈞賢獨市生意
高鈞賢今年 8月中獨資開設藝術學院，特別之處是以英語教授話劇、跳舞等，非洗腦而又令小朋友活學英語，全港獨有。
初做老闆的高鈞賢話：「我好細個已鍾意做生意，小學時媽咪整壽司畀我帶返學，我就 2蚊一件賣畀同學；幾歲大 喺加拿大讀書時有 啲 open sale，我 喺屋企門口賣我 啲舊玩具，記得塞 咗個機械人玩具畀鄰居小朋友，等佢嗲 哋畀錢。」
在加拿大約克大學主修 Marketing的高鈞賢，開學校是他的心願，入娛樂圈後更令他心郁郁：「好想將入行學到 嘅 嘢，好似演戲同創作力咁，教畀小朋友。好似我拍劇要死背劇本，但如果自己鍾意做呢樣 嘢就會背得開心，我就係要教小朋友學識 enjoy，訓練自信心又學到英文，直頭係另類補習方法。」
高鈞賢認為香港社會識英文好重要，他的藝術學院採用西方教學，吸引不少外籍家長為子女報名，訪問當日幾位學跳舞的學生都是日本人。
高鈞賢用自己名氣宣傳學校，又親自洗樓派傳單；每堂學費$200，開業一個月已收生 25名算唔錯：「個商場靜，但呢區中產家庭多，肯花錢培養子女，考慮過將軍澳，但租金太貴，呢度租金連雜費只係 3萬，一年後應平衡收支。」
Steps Stage
地址：海逸道 8號海逸坊 142號鋪
投資： 40萬
營業額：$60,000
狄易達請學生出騷
狄易達跳舞勁，入行以來一直有在大埔、屯門等新界區的中、小學及社區中心教舞，年半前與朋友合資在油麻地租千呎商住單位，裝修成排舞室，初期出租給 band友及藝人排舞，後來發覺為唔到皮。達仔解釋：「週末週日好旺，諗諗吓不如用 嚟教學生，每個鐘 嘅收入應該好過租場。」
達仔於是利用 facebook及微博宣傳，又趁在學校及社區中心表演時宣傳一下，極速吸 200學生！達仔仲有一招撒手 鐧吸客：「跳得好 嘅學生會被挑選出騷，去到 TVB、電台係好難得 嘅機會，超過 100個學生出過騷喇，有 啲仲有演出費添，呢點係我 哋 嘅優勢！」請學生出騷又可慳番請 dancer費用，一箭雙鵰啦！
雖然開跳舞學校，但狄易達不會任教，他解釋：「我時間少，如果教一班唔教一班，學生會唔高興，又怕會話我偏心，係咪佢跳得唔好，咁不如請其他老師教。」
學生跳得好會被挑選，在商場騷甚至 TVB音樂節目伴舞，達仔覺得對十幾歲的初學者來說是難得經驗。
DaFactory
Dance Floor
地址：旺角彌敦道 552號
龍馬大廈 4樓前座
投資： 27萬 6千
每月盈利：$17,000
行行有星做
除咗飲食業同搵 𡃁仔錢外，其實班明星做生意足跡幾乎遍布各行各業，分分鐘幫襯咗都未知。
Toby搞大婚
iDreamation婚禮統籌
投資： 26萬 5千
’09
梁靖琪 09年創辦婚禮統籌公司，幫襯過的藝人有洪天明、王浩信，即將拉埋天窗的錢嘉樂和湯盈盈等。「女仔都想要 dream wedding，中國女性更肯使錢同埋用心辦婚事，加上我 喺娛樂圈做，客人認得我會信任我。」
范振鋒拉上補下
MR.WEATHER
投資： 70萬
’10
范振鋒 7年前開設輝叔牛肉火鍋店，兩年前同太太李思欣開設時裝店 MR. WEATHER，「 啲食材唔靚可以下一批換過，但係時裝唔好賣冇得掉 咗去。」好彩火鍋店早已上軌道，營業額達 30至 80萬，拉上補下。
馬德鐘信晒親戚
快意辦公室傢俬
’12
上月馬德鐘聲稱以全副身家與哥哥合資買雙連鋪位，主打辦公室家具。不過本刊發現該家具店老細另有其人，馬德鐘回應時說：「間鋪係我太太 嘅阿哥同阿嫂名，佢 哋 喺呢行做 咗好多年，而我好信任佢 哋。其實我今次真係全副身家放晒落去。」 
留言列表
