close
關仁隱事：「奶茶」遭強吻啞忍
「小小」俾人又推又鬧，好彩有二五仔幫佢出頭，有片有真相，最終博到好多人同情，仲做埋場大龍鳳打圓場。對新人嚟講，其實呢啲只係冰山一角，有好多俾人恰完都唔敢開口還擊。好似小小個老友「奶茶」，關仁聽講佢早前拍劇試過俾人強吻，原本場戲只係叫個五、六、七線男演員輕輕錫一啖，點知埋位俾人激咀，仲要伸埋條脷入喉嚨咁狼，但導演一直唔嗌cut機，奶茶惟有死忍頂硬上。奶茶唔係冇諗過投訴，但諗咗好耐，發現投訴無門，知道導演同個男演員好熟，見到都當睇唔到，奶茶又知自己人微言輕，即使投訴到高層都只會俾人話麻煩同多事，最終咪不了了之囉，認真慘情。
撰文：關仁
全站熱搜
留言列表
