close
同你吟一吟
極品亞洲先生
今年無 綫停辦《香港先生》，亞視可以獨食搞《亞洲先生》，但卻未能盡收天下美男。上個禮拜六（二十二日），亞視 响大埔總台搞面試，大部分質素集肥矮醜凸腩騎呢於一身，重口味到八珍都唔知講咩好。
早排有服裝品牌 响中環大搞肌佬無上裝出巡，個個大騷胸肌腹肌，搞到現場女士 V嘩鬼叫，但今屆亞洲先生，一個都搵唔到，唯一睇得上眼係俾人叫「翻版杜德偉」 嘅黃集鋒，身材攞滿分，之但係一開聲，原來又係國內同胞，廣東話都未講得正，話自己係國內十雞（佳）模特兒，唉！仲搞 嚟做乜呢？
一白遮三醜，原來呢個道理， 喺男人身上係唔 work。
「翻版杜德偉」黃集鋒，其實唔係絕頂美男，但有旁邊呢位假髮男（左）托住，搞到佢巧令仔。
撰文：八珍
全站熱搜
留言列表
