close
傳完有咗再傳婚變，樂基兒同黎明關係充滿戲劇性，相反，同千嬅生埋仔嘅丁子高，簡單得多。
同你吟一吟
樂基兒講啲唔講啲
頻傳婚變嘅黎明嫂樂基兒，上星期三（十九日）拍住楊千嬅老公丁子高，天王老婆天后老公孖咇做酒店活動。
對於離婚傳聞，樂基兒只肯解釋話黎明退出原本兩公婆共同持有公司，係因為老公放手俾佢話事，其他一律唔答。
樂基兒當年自爆拆彈，作風一向敢作敢為，偏偏對黎太真正身份企硬玩神秘，故佈疑陣。八珍都盡力八過，但黎明身邊人次次都話冇事，肯定唔係。
又係嘅，當年結婚唔公開，離婚更加冇理由打鑼。早有先例，朱玲玲同霍震霆離婚多年，都等到老太爺霍英東過身，先正式除夫姓公告天下。大家鬥命長囉！
如心艾朗酒店開幕，主人家龔仁心，親自招呼 Leon嫂，丁子高掉番轉頭，幫手照顧龔太。
除咗 Leon嫂係新聞人物，當日有到嘅變臉廖碧兒，亦成為焦點。
全站熱搜
留言列表
