洪家得咗
守尾門生龍仔 周家蔚懷孕 3個月
恨生仔恨到發燒的周家蔚，嫁洪天明後密做唔偷懶，終於成功趕及在龍年生 B，做今年娛樂圈最後一個龍媽。佗 B足三個月的她，日前出席好友畫廊開幕時，腹部已見微隆；據知，周家蔚腹中 BB是仔，老公同老爺洪金寶獲悉後笑到合唔埋口。
三個月可以宣布啦！（設計對白）
出席完開幕禮，落雨天雨路滑，朋友攬住大肚周家蔚過馬路。
體重不升反跌
上週三（七月二十五日），周家蔚著上黑色衫裙，出席好友在中環的畫廊開幕活動，一身黑，但身形明顯圓潤；之後她跟大班朋友轉往蘭桂坊附近的餐廳晚飯，直至九時半左右才離開。其間友人體貼護送她搭的士，從側面看，周家蔚的腹部隆起，孕味明顯。
周家蔚坐的士過海到樂富會合洪天明後，再一起轉到太子，一早約好梁烈唯及大班工作人員打冷的天明落車，留低老婆自己在車上休息。
據知，未攞牌做洪太前，周家蔚已經做足佗 B功夫，食營養素催孕，提高身體狀態，為生 B做好準備。
「為 咗有 BB，佢仲特登食中藥增肥，由一百零八磅加到一百一十七磅。」周家蔚身邊好友說。
兩人早前到塞班島度蜜月，已成功造人，但因未足一百日，不敢向外報喜。
但佗 B之後，周家蔚的體重不升反跌，輕了兩磅。「家蔚有 BB之後食量仲細過以前，又變得唔鍾意食魚。」
為了胎兒健康成長，周家蔚聽從朋友建議，買定大量花膠補身。「其實佢都唔鍾意食花膠，但為個 BB冇計喇！佢仲戒埋最鍾意 嘅芒果添。」
同朋友在中環食完飯，周家蔚搭的士到樂富，原來洪天明早已泊好車等她。
腳頭好帶挈阿爺
洪天明得知老婆有喜後，第一時間買了一部 DV攝錄機，送給老婆玩自拍。
「家蔚想拍低整個懷孕生仔過程，佢話等將來 BB大個睇番！」
做產檢知這一胎是慈姑椗後，兩公婆開心到立刻通知準爺爺洪金寶，三毛更大讚孫仔好腳頭，事緣他名下馬匹「崇山寶」四月首次出賽即贏頭馬。
「家蔚佗 B之後，佢老爺已經拉 咗兩次頭馬，對上一次係六月二十九號嗰日，個 BB真係好旺佢！」周家蔚身邊人說。
二人日前出席楊天經婚宴，貪靚的周家蔚依然著住三吋高踭鞋出席，在旁的洪天明則扶到實。
今年二月，周家蔚同朋友到會展睇 BB用品展覽，她幾乎每個攤檔都停低研究一番，就連專業陪月保母的資料都搵定。
二人四月到塞班島補度蜜月，結果一擊即中。
洪金寶近三個月連續兩次拉頭馬， BB夠晒旺。
排住隊
陳慧琳、楊千嬅、郭羨妮已先後榮升龍年媽咪，龍年尚餘六個多月，趕在蛇年前做龍媽的圈中女星，陸續有來。
黎姿
孫燕姿
新加坡歌手孫燕姿去年跟荷蘭籍老公結婚，唔夠一年，五月在微博宣布有喜，趕做龍媽。
羅敏莊
四月開始籌備演唱會時，羅敏莊宣布懷孕兩個多月，開騷時準媽咪未有避忌，在台上繼續又跳又唱。
文頌嫻
留言列表
