close
同你吟一吟
黎姿佗仔出巡
退出娛樂圈專心做馬太 嘅黎姿，生完孖女家蔚、家鎂後，一心再追多個仔，今年年初個肚終於有動靜，家陣已經六個幾月，趕得切生龍 B。
近七個月肚，黎姿可以咁輕盈，全靠食孕婦瘦身餐，佢仲將餐單放上微博，又自爆有時忍唔到口，偷食甜品。
上次佗孖女肥到一百八十幾磅，今胎唔係打孖上，黎姿可以食少啲。上個禮拜二（七月二十四日）晚，落晒風球，馬太返細佬黎嬰間美容院打點，個肚已經好大，但黎姿塊面同手手腳腳唔算腫，上車落車唔使人扶，表現輕盈。
能夠做靚媽，原來黎姿為自己設計 咗一個佗 B餐單，早餐：無糖豆奶+一小碗麥片，午餐/晚餐：一小碗白飯+ 2/3手掌大塊肉+菜，小食: 3片瑪利餅+1個蘋果，黎姿更將餐單放上網，同天下媽咪一齊分享。
當日早上為一對孖女家蔚、家鎂到深灣遊艇會舉行兩歲生日會，黎姿上載囡囡 嘅禮物同三母女 嘅手仔合照，到黃昏，再返公司打點，依然精神奕奕。問佢今胎係咪佗仔？黎姿全程甜笑冇答。
著住鬆身大肚衫，如果唔係吹起大風，都睇唔出黎姿個肚原來咁大。
全站熱搜
留言列表
