close
原本九點要到嘅伊健，遲咗一粒鐘，一上台，即刻同現場觀眾打招呼，氹番先！
同你吟一吟
鄭伊健幫蒙嘉慧定驚
月尾要喺紅館開 show嘅鄭伊健，年半三度開個唱，一樣賣爆要加場。好事近，特別旺。
上星期五（二十七日），伊健同無綫友包括馬國明、陳敏之、黃德斌等喺荃新天地做活動，提到同準麵嫂蒙嘉慧拍拖七年，伊健立即向女友派定心丸：「我冇七年之癢，感情好似啱啱拍拖一樣，快樂不知時日過。」
前前度邵美琪同前度梁詠琪，都係七年就散，邪到震！伊健呢劑「定驚茶」，蒙嘉慧飲落應該甜到入心入肺。
人情雙份喎！（設計對白）
記得俾帖我呀！（設計對白）
出年嫁得嘅蒙嘉慧，上星期四出席新劇《仁心解碼 II》活動，笑到見牙唔見眼，心情勁靚。
伊健遲大到，要等齊人做儀式嘅陳敏之同鄧健泓無聊到玩擺 pose。
打頭陣嘅馬國明、陳敏之、黃德斌，八點已經喺現場同觀眾玩遊戲。
全站熱搜
留言列表
