close
同你吟一吟
寶珠姐貼錢做奶奶
星期日（七月二十九日），寶珠姐 嘅命根楊天經 响灣仔君悅補擺喜酒，筵開三十五席，圈中前輩友好都俾面 嚟飲，包括白雪仙、梅雪詩、劉德華、曾志偉等等。
錫仔錫到 燶，楊天經雖然已經三十有七，但寶珠姐人前人後仲叫佢「經經」，心肝椗娶老婆，酒席由奶奶埋單，最緊要係新抱仔吳文珊個肚生生性性。
舊年五月已經註冊，一對新人一直同寶珠姐同一屋簷下，一度有傳兩婆媳關係麻麻，但擺酒當日，吳文珊眼睫毛入眼痛到影唔到相，奶奶緊張到手口並用，幫新抱仔又捽又吹，再急召化妝師幫手用棉花棒整走眼睫毛，貼心又貼錢，寶珠姐呢個奶奶，簡直攞足 200分。
新娘眼睫毛入眼，寶珠姐比個仔更緊張，初時想用手捽，後來改用最古老 嘅方法，用口吹！
奶奶服侍新抱，新娘子負責服侍老公，𠌥低身幫手整番乾淨對鞋，經經好幸福。
寶珠姐班 fans當正自己娶新抱，準備好禮物同利是送俾一對新人，經經接利是接到手軟。
賓客陣容星光熠熠，包括寶珠姐師傅白雪仙，以及做 咗老豆 嘅劉德華。
全站熱搜
留言列表
