close
嫁俾我啦!（設計對白）
你又唔係謙謙!（設計對白）
陳志健拉住條紅布勁走，等謝天華同楊怡求婚，不過準新娘笑得勉強，一 啲都唔浪漫！
同你吟一吟
楊怡嫁得出笑唔出
無 綫新劇《法網狙擊》上個禮拜五晚（七月十三日） 响銅鑼灣行人專用區拍外景，揀正最人多 嘅日子先 嚟開工，劇情仲要講謝天華當街當巷向楊怡求婚，自由行加途人逼到爆，人人攞手機係咁影，搞到連警察都嚟埋，睇吓搞乜。
當晚大隻仔陳志健拉住條長紅布喪跑，等著住白色西裝攞住紮花嘅謝天華扮踩住紅地氈求婚。楊怡「嫁得出」，臨記途人起哄大叫「嘴佢、嘴佢」，不過楊怡皮笑肉不笑，佢解釋係劇情需要：「因為之後我會拒絕，所以唔使咁開心！」
又難怪楊怡笑唔出，事關現場真係好混亂，部分臨時演員兼埋做實 Q，圍圈保護楊怡同陳敏之，但都有位阿叔成功衝破防線，行埋去楊怡面前舉機。呢 啲時候，如果大隻羅仲謙在場，楊怡就至安全。
幾百人圍觀，人群加相機陣包圍，楊怡、陳敏之唔識笑，連阿 sir都要埋 嚟睇吓。
呢位西裝光頭男好幾次想埋楊怡身邊，其中一次更成功突圍，但最後都俾工作人員請離場。
擋駕
突圍成功
全站熱搜
留言列表
