Jolie和未婚夫Marc旅遊世界各地拍婚紗照，當然少不了未來老公家鄉墨西哥。

五月新娘

繼梁詠琪、莫文蔚「和番」後，圈中又一盛女遠嫁外國人。04年與李克勤合唱《合久必婚》的陳苑淇（又名陳逸璇）Jolie，入行兩年見事業無進展轉做模特兒，09年搖身一變成為財務策劃師，因而結識了似足已故搖滾巨星貓王皮禮士利、美籍墨西哥人Marc，拍拖三年半，二人決定於今年五月五日在峇里島舉行百萬婚禮，趕做龍年新娘。

後生兩年
於美國達夫斯大學經濟系畢業的陳苑淇，○四年被陳小寶（當年環球高層）睇中拉入行，有機會與同公司的李克勤合唱《合久必婚》而得到注目。陳小寶離開公司後，Jolie亦受牽連，歌唱事業陷於停頓。○六年，她決定離開環球改行做模特兒。「Jolie諗住做model行騷都會有發展空間，後來佢做極都係咁，就轉行去咗間保險公司做財務策劃師，仲識埋而家個未婚夫Marc！」Jolie友人透露。Jolie的未婚夫Marc年僅廿八歲，比她還要年輕兩年，外貌似足美國已故搖滾巨星貓王皮禮士利，現任香港墨西哥總商會主席，樣好又有經濟能力，兩人於去年訂婚，並計劃本月五日在峇里島舉行婚禮。


對於結婚一事，準新娘Jolie說：「係呀！以前喺美國讀書都冇試過同外國人拍拖，所以同佢結婚，我身邊嘅朋友同家人都好surprise！」對於未來老公，陳苑淇更加讚不絕口。「佢靚仔又夠高，好細心、又明白我，性格好熱情，經常俾驚喜我，同佢一齊，好似永遠唔知聽日會發生咩事咁，好開心。」

政府支持
Jolie預計婚禮會請超過五十人出席，年底會在香港補擺喜酒。為使婚禮氣氛更浪漫，一對新人還專程從巴西請來一隊五人Jazz band伴奏，至於負責婚禮攝影的團隊則來自菲律賓，全部人馬飛來飛去，婚禮使費好襟計，雖然準新娘不願透露實際數字，但據了解不少於二百萬港元，屬豪華型。 Jolie表示，未來老公十分浪漫，拍拖只有四個月，Marc便帶着她環遊歐洲。


「佢做嘅係好多香港男仔都唔會做，佢知我未去過歐洲，拍拖無幾耐就帶我去。平時喺屋企聽Jazz，會突然拖住我跳舞，好sweet。佢做嘢都好叻，幾年前喺香港係做財務金融，舊年自己開公司，搞綠色科技，同Syngery Lighting搞環保電力，仲有墨西哥政府合作；嚟緊又會代理酒類同貿易生意，所以工作好忙。」戴住三卡閃爆婚戒，豪使二百萬留下浪漫婚禮回憶，老公靚仔兼年輕有為，呢位香港盛女，都算人辦。 ####


陳逸璇（陳苑淇）轉行轉出姻緣，認識似足貓王嘅Marc，兩人拍拖三年多，即譜出結婚進行曲。


Marc為了這輯結婚照花盡心思，不但周遊列國，還特別回到墨西哥著名古蹟瑪雅金字塔拍照，極有意思。


Marc為人浪漫，不時為Jolie製造驚喜，兩人拍拖不足四個月，即一起環遊歐洲，感受歐洲的浪漫氣息。


Jolie的未婚夫是現任墨西哥總商會主席，年輕有為，嫁得如意郎君，幸福滿瀉。


與李克勤合唱《合久必婚》，正式加入樂壇，是當年環球高層陳小寶的愛將。


Jolie○六年贏得無綫《十大勁歌》傑出表現銅獎時，激動落淚，可惜始終發展未如理想，後來轉行做財務策劃師。


當年的Jolie還憑着一個啤酒廣告，得到伯樂陳小寶賞識。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄