close


在倫敦玩足個多月，既為公也為私，為了體貼男友，寧願改回程日子，也要upgrade男友坐頭等。

何家三房長女何超雲，拖男友陳山聰到倫敦玩了個多月，上週六（四月二十八日），兩人齊齊坐頭等機位返香港。據知，兩人為了一張頭等機票，幾度更改回程日期；坐慣頭等的超雲想原本坐商務的陳山聰都可以轉坐頭等陪她，但又不想再花多一筆錢，唯有用飛行里數幫男友upgrade機位，結果要幾度改期。何超雲左度右度，都係唔想招人「貼仔」話柄。

十指緊扣
在倫敦逗留個多月的何超雲和陳山聰，上星期六下午二時許返抵香港；兩人一身黑色潮服，十指緊扣出閘，神采飛揚，並表示要趕返屋企，探望賭王老豆。據知情人士透露，超雲本應於早多幾日返到香港，改期全因為機票問題。「因為山聰買嗰張係商務客位，超雲坐頭等，佢想男朋友一齊坐，但又唔想花錢upgrade山聰張機票，要用飛行里數換，為咗等機位，所以改咗幾次期。」超雲身邊好友說，雖然外間認為超雲經常倒貼男友，但實際上，兩人至今依然保持財政獨立，旅費、使用各顧各，即使要為男友upgrade坐頭等，都慳住荷包。

英國揀蟀
何超雲和陳山聰今次除了為時裝店入貨外，因兩人早有大計要推出時裝品牌，倫敦之旅更包括物色英國年輕設計師及到潮店搜集資料，為未來推出時裝品牌找靈感，定出設計方向。「佢哋考慮搵英國designer一齊合作，為咗同品牌做定marketing，超雲仲想效法徐濠縈，幫自己營造fashion icon形象，喺微博玩每日一look，不過啲網友反應唔係咁理想。」嬲爆的超雲扯火反擊，揚言不會因「別人喜惡而屈就」，堅持個人風格。近乎絕跡幕前的陳山聰，這段日子除了為推出時裝品牌做準備功夫，更特別申請了中港車牌，方便往返大陸睇貨。以賭王未來女婿為目標，陳山聰愈來愈有姿勢。


在英國期間，超雲積極為己營造fashion icon形象，在微博大玩每日一款，可惜惡評如潮，但超雲揚言會堅持風格，不會為迎合別人而改變。

積分換位
飛行里數除可換免費機票亦可免費升級座位。以國泰為首的Asia Miles•Mileage Plus以儲分換機票，基本上二萬分已可換取一張亞洲機票。消費者透過買機票，使用聯營信用卡消費，例如入住指定酒店、或在指定時間買機票儲雙倍積分等，均可快速儲夠積分。不過免費機票每日每班機只有幾個位，旺季易爆滿，訂機票一定要提早，要upgrade機位尤其頭等，大多數是長期大客。今次何超雲幫男友由商務位轉坐頭等，來回要85,000里數，單程則要50,000里數。 ####


陳山聰不假手助理，親自挽行李，兩人登車即急急返何家見賭王，一表孝心。


陳山聰和何超雲從頭到腳襯到絕，還戴同款Cartier情侶錶，此錶市價6萬多，另配真皮錶帶，約值7萬港元。


兩人在倫敦周圍搜購潮物，為即將推出的時裝品牌找尋靈感。


作為賭王準女婿的陳山聰，無論對女朋友、外父和外母，都採取人釘人政策，做足一百分。


據悉陳山聰在內地物色廠房做衫，最近特別申請中港車牌（右圖），方便往返大陸睇貨。


飛機的頭等艙一般只有六至八個座位，票價貴到飛起，要用里數換機票，非大客不行。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄