close


出席新車宣傳活動，胡定欣可以露嘅地方都露，實行將個人優點發揚光大。

上星期五（四月二十七日），熱播劇《拳王》兩位人氣演員胡定欣同黃德斌孖咇搵食，幫Lexus全新環保車谷宣傳。
近日被踢有七段情，獲封為「新一代姣精」嘅胡定欣，當日冇正面回應究竟拍過幾多次拖，只係間接承認同過吳浩康、馬國明。


雖然胡定欣唔願硬食「姣精」封號，但tube dress露膊晒腿打扮，就吸引到大會一位西裝客戶，不惜千辛萬苦鑽埋人堆中，用手機將胡定欣影低珍藏。
八珍回心一諗，其實做到「姣精」都唔差，想當日，呢個朵係佘詩曼專用，今日阿佘北上拍劇，郁吓手收十幾萬人仔一集，愈戰愈勇，如果胡定欣有咁嘅潛質，何樂而不為！難怪當事人都話要多謝大家賜封。 ####


記者圍住影相訪問，西裝四眼男逼埋一齊，影低胡定欣索樣，再仔細欣賞。


真係幾得！（設計想法）

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄