close


戴上卡半求婚鑽戒，仲有珠寶行贊助百萬首飾，著低胸婚紗嘅姚樂怡唔怕老公詐型，事關Alan响荷蘭大，見慣「大」場面。

上個禮拜四（四月二十六日），姚樂怡同拍拖八年圈外男友Alan吳俊匡擺結婚酒，喺尖沙嘴 Ritz Carlton酒店筵開三十席，當正新娘子係自己個女嘅曾志偉，一早就到場，仲眼濕濕話終於見到姚樂怡出嫁，好似自己嫁女了結心事咁。


Alan係圍村人，荷蘭長大，鬼仔性格唔識中文，不過勝在份人玩得，朝早接新娘，俾班姊妹團用牛皮膠紙扯甩胳肋底毛都唔反抗，想出呢條賤招嘅湯盈盈，更大條道理話唔怕將來同錢嘉樂結婚俾人玩番轉頭。
雖然大排筵席，但原來一對新人未簽字，準老公Alan想去外地旅行註冊，但又未定地點，話可能會係拉斯維加斯。至於造人大計，姚樂怡自爆隨時ready，因為兩個都鍾意小朋友，仲擔心自己將來大肚太興奮，唔夠三個月就周圍同人講喎。 ####


十人姊妹團，擺酒前大班人仲去咗台灣旅行，阿佘都有同行。


湯盈盈賤招盡出，諗到用牛皮膠紙扯甩新郎哥胳肋底毛，難得對方任佢擺布。


曾志偉現身飲宴，與新娘子姚樂怡相擁落淚嘅志偉仲話睇埋湯盈盈同阿佘出嫁，佢就安樂晒！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄