close


買餸撐枱腳
祖兒媽早前到跑馬地街市買餸，又菜又肉又生果，買到一袋二袋，睇嚟都係準備返屋企同密友玩煮飯仔。

容祖兒（Joey）早前被踢爆狂掃八屋一舖，孭住2.6億樓債，似乎非常睇好香港樓市。其實Joey所有財務及投資都交由母親余金鳳負責，祖兒媽一個女人仔冇咁大膽，全靠其TB密友關月茵做幕後軍師。
身為慈雲山法藏寺揸fit人的關月茵，估計身家逾5億。去年祖兒媽與關月茵開聯名公司，並以四千六百萬購入深灣9號豪宅，孖住炒樓。早前祖兒媽去跑馬地買完餸，關月茵做司機接送，祖兒媽呢pair，光明正大過Joey同何韻詩喎！


容祖兒母親（余金鳳）15年前與丈夫離婚，多年來都未見她有新男友，近年卻出現了一位同性密友關月茵，兩人出雙入對，去年尾更正式在Joey名下的松柏新邨寓所同居。

密友當投資顧問
自認識關月茵後，祖兒媽開始學投資，雖然香港樓市愈炒愈高，但她都勇於掃貨。據知情者透露，「關月茵同祖兒媽識咗好多年喇，但近幾年先行得好埋。07年祖兒媽開始為個女投資，先買松柏新邨二千幾萬單位自住，之後又買兩個名門單位。08年環球金融海嘯後，關月茵話不妨大膽啲，祖兒媽又買又賣，賺到笑。依家Joey持有八間屋一間地舖，全部都升晒值。本來Joey唔多like阿媽呢個密友㗎！依家唔同晒，因為佢覺得關月茵真心對祖兒媽，幫咗佢哋好多。」祖兒媽這位密友出身神秘，她名下擁有七間私人公司，多年來在地產投資上都有不少斬獲，她更是慈雲山法藏寺的揸fit人，寺內有合法的骨灰龕場。粗略估計，關月茵持有的物業及資產約有五億，絕對是香港的隱形富婆。

專掃港島豪宅
有個識得投資、眼光獨到的密友做盲公竹，祖兒媽勇字當頭唔驚蝕。去年十月，她與關月茵開了一間聯名公司「友利行」，計劃投資炒賣豪宅，並於去年11月以4,609萬購入港島深灣9號一個高層單位，面積約2,155平方呎。「祖兒媽同關月茵開間公司，主要都係炒港島區豪宅，但佢哋會作長線投資，唔會短炒。今次買深灣9號，都係買樓花，實樓未有得睇㗎！不過關月茵認為嗰度升值潛力會好高，就連劉嘉玲同王菲都買咗，應該穩陣。」祖兒媽與密友夾份投資買樓，關係不言而喻，身為女兒的Joey在電話中回應：「媽咪向來都好有眼光，投資嘅嘢都交晒俾佢，買咗咩樓我唔知㗎！（係咪已經接受咗媽咪位密友？）我只知佢係媽咪一個好朋友囉。」共同擁有物業是一對愛侶關係的證明，唔知Joey同何韻詩幾時會聯名做業主呢？

聯名買海景豪宅
祖兒媽（余金鳳）與密友關月茵去年成立「友利行有限公司」，並以公司名義共同擁有深灣9號一個四千幾萬的二千多呎單位，單位坐擁無敵海景，升值能力非常高。

狼掃2億屋
喺娛樂圈打滾咗12個年頭，貴為樂壇天后嘅容祖兒，出名與容媽媽感情要好。早年父母離異，Joey早已成為容家支柱，多年來努力工作嘅佢儲埋唔少彈藥，俾阿媽幫佢投資買樓，小富婆唔係浪得虛名。

法藏寺揸fit人
關月茵持有的其中一間公司為法藏寺有限公司，據知其家族經營法藏寺多年，關月茵現時是揸fit人。位於慈雲山的法藏寺，內有多個寺廟，以及一個攞正牌經營的骨灰龕場。善信除可在內供奉先人外，亦可點長明燈為自己及家人祈福，收費由三百蚊起，豐儉由人。記者曾到訪法藏寺，並向寺中員工提及老闆娘關月茵，員工話：「關小姐好少返嚟㗎！」 ####


密友管接送
祖兒媽急急腳上咗一架停喺附近嘅S系豪華Benz，原來密友關月茵一直留喺車度等佢，其後仲落車幫手（下圖），又細心又有耐性，好多男人都未必做到。


直返香閨
關月茵充當司機，同返祖兒媽松柏新邨嘅屋企，整晚都冇再外出。


佢係我媽咪嘅好朋友。（真實對白）


祖兒媽與密友關月茵09年開始交往，2010年本刊曾拍過Joey與母親及關月茵（圖右）到中環置地high tea，三人有傾有講，相處非常融洽。


Joey非常愛錫家人，07年她買入松柏新邨一單位與母親及細佬同住，其後再於該屋苑買多兩個單位，讓母親及細佬每人各據一間大屋。


祖兒媽與密友關月茵近年經常出雙入對，上次一齊去睇Joey個唱，仲好大方俾記者任影㖭！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄