close


履新發功
發現媽咪姐影相， 大師即刻抽起部電腦，俾晒表情。望吓司機哥哥，表現明顯唔夠老細自然囉！

周一（5日）前無綫電視總經理陳志雲第一日到商台返工， 做行政總裁（CEO）呢個位，成班記者湧住去採訪。大師好識做嘅，即刻透露會推出三項新政策，仲話主要針對時事， 等大家都有嘢寫，有嘢交差！


咦，乜唔係話閃電決定效力商台嘅咩？點解好似有晒plan咁嘅？稍安毋躁！人哋叫得做CEO，梗知你會咁問，第二日咪特登喺午飯時間返一轉屋企，攞部私家iMac返公司用，以示依家喺商台連電腦都未有，過檔真係過得好鬼急囉。你係咪開始覺得志雲大師有計呢，梗係啦！佢五年前已經識得喺《志雲飯局》問唐英年有無私生子嘞。有見地，好玄妙呀。 ####


陳志雲約埋商台主席何驥（中）同無綫行政主席梁乃鵬（右）一齊午飯，新舊老細都咁俾面， 大師當然笑晒。


07年5月播出嘅《志雲飯局》中，大師送出八隻代表唐家嘅TV Buddy公仔俾當時係財爺嘅唐英年， 仲好順口咁問：「啱唔啱數呀？你出面無其他仔女嘛？」唐唐呆一呆先答：「我有……都唔講得俾你聽啦！哈哈哈！」今日睇番，連網友都大讚，人脈廣博嘅大師早知玄機。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄