「兩文三語」，為香港政府推廣的語言政策。「兩文」，即中文和英文；「三語」，即粵語、英語和國語，可見三語同等重要，尤其回歸後，中國對世界各國的影響愈來愈大，普通話更晉升為國際語言之一。

因此，去年在五月開設兒童教育中心的楊婉儀，兩個多月前特別增設「普通話唱遊班」，讓小朋友學習英語的同時，也可以提高中文水平，她說：「我對仔女學咗普通話年半，大女依家學埋拼音，睇書嘅時候，見到唔識嘅字，都識得拼番個讀音出嚟，對佢哋喺中文寫作方面好有幫助！」

高老師與楊婉儀，一同與學生用普通話唱兒歌，期間更手舞足蹈，歡笑聲不絕。

公諸同好

楊婉儀的一對子女—Hannah及Jonah，在年半前開始跟隨高克珊老師學習普通話，現在女兒已經懂得拼音，「佢哋嘅國語好過我好多，有時睇到啲書見到唔識嘅字，都識得拼番個讀音出嚟；上堂嗰陣既上得開心，又學到嘢，我覺得好好囉！加上好多學生家長都成日問我對仔女喺邊度學普通話，咁既然有個咁好嘅老師喺度，點解我唔介紹畀自己啲學生呢？咁不如直情喺度開班喇！」

因此，兩個多月前，楊婉儀便在其開設的教育中心內增設「普通話唱遊班」，以讀唱兒歌、講故事、角色扮演等形式，讓小朋友多聽多說普通話，由淺入深，她補充說：「對仔女跟高老師學咗年半，睇到佢哋咬字、發音都好咗。」

小朋友拿着顏色筆表現雀躍，以繪畫吸引他們學習普通話，也是好方法之一。

高老師運用輕鬆活潑的教學方法，輕易令一眾學生全情投入，楊婉儀女兒Hannah（左三）及兒子Jonah（左四）也舉手搶答問題。