close


買衫愁！
明明買到一袋二袋，應該好happy啦！但敏之塊面同佢嗰身黑look，係襯晒色嘅。揸住電話，好似靈魂出竅咁，有啲擔心囉。

向來甚少拍喜劇嘅陳敏之，喺依家播緊嘅《東西宮略》入面，扮西宮夏迎春，仲同「齊宣王」郭晉安有唔少搞笑親熱場面。媽咪姐覺得輕輕鬆鬆都唔錯吖，總好過拍苦情戲啦！


大家應該仲記得，呢位上緊位嘅無綫花旦，舊年受情緒病困擾，試過拍《東》劇期間衝入廁所喊㖭，壓力勁大！以為佢拍完喜劇會情緒好轉啦，但似乎仍然有爆煲危機。
上周四下午（1日），媽咪姐就撞到陳敏之一個人行銅鑼灣時代廣場，去「濕平」都好，可以紓緩下壓力嘛！見佢快快趣咁買咗兩大袋衫，試都唔使點試，其間一直keep住愁爆表情，明明「濕平」係女人最like嘅「課外活動」，但佢就好似唔多開心咁。西宮娘娘買完衫，再去隔籬agnès b買「女性恩物」朱古力。店員見有明星幫襯，笑晒口請佢試啲新口味，敏之都唔客氣，大大粒塞入口，試食完仲有幫襯，輕易又買咗兩袋！不過仍然唧都唔笑，滿懷心事。
等找錢期間，西宮娘娘仲打咗個電話俾拍拖7年嘅圈外男友雷偉信（William）㗎，傾咗幾句。不過，直至媽咪姐見敏之上車走人為止，都係保持住苦瓜乾面口囉。放鬆啲啦，香港人！


33歲嘅陳敏之，等咗咁多年，終於可以擔正同郭晉安拍《東西宮略》，前年仲同做燈飾生意嘅男友William聯名買樓，隨時結得婚，其實事業愛情一路向好。 ####


揀衫愁！
陳敏之喺ZARA揀完女裝，又揀男裝，但全程都keep住呢個表情。唔通啲衫寫住個愁字嘅？


好彩，西宮娘娘仲識去買朱古力，不過仍然皺晒眉咁試食新口味。


食朱古力仲苦！
唔係話朱古力含苯乙胺，會令人有戀愛嘅開心感覺咩？何解食完個樣仲苦嘅！


買完衫同朱古力，陳敏之收手去搭車，但依然乸埋口面，難怪智者話物質富足唔一定等於心靈富足。


咪諗咁多，活在當下呀，靚女。


《壹週刊》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄