台灣女星路嘉欣台上掃背佢好冧我！（設計對白） 2月19日　何韻詩雖然箍番容祖兒，不過在台上阿詩忍唔住向路嘉欣抽水，掃完背再攬腰。

容祖兒與何韻詩暗交十年，一直無風無浪。不過，今年初何韻詩因演出舞台劇《賈寶玉》，與同劇台灣女星路嘉欣過從甚密，立即辣㷫容祖兒。而罕有緋聞的祖兒，突然傳出被36歲金融鱷少劉鎮鴻（Jeffrey）及MV導演Heison力追，擺明示威。最近有周刊爆兩人十年情玩完，而事實是去年底時，容祖兒曾為路嘉欣與阿詩炒大鑊。不過，甚懂冧女的何韻詩原來在情人節前，已箍掂容祖兒，兩人當晚更齊齊戴上情侶手鏈出騷，力證情未變。不過同日，路嘉欣亦把在阿詩家中整甜品的照片放上微博，有心玩嘢！


何韻詩飾演的賈寶玉是多情種，現實生活中，阿詩與劇中眾多女演員亦打成一片。去年10月做了廿場《賈寶玉》舞台劇的阿詩，對台灣來港參演的路嘉欣特別呵護，惹來密友容祖兒不滿。「上年搞舞台劇時，阿詩同班女仔好friend，佢特別冧Jozie（路嘉欣洋名），成日叫佢上屋企玩。上年聖誕party大班朋友同祖兒都喺度，阿詩對Jozie照顧周到，食完嘢仲細心到幫佢抹嘴，祖兒即時呷醋黑面！兩人之後為Jozie都嘈過唔少次！」知情者說。

祖兒否認戀兩男
今年1月初，阿詩與祖兒冷戰升級，加上傳出金融鱷少劉鎮鴻同MV導演Heison力追祖兒，令外界一度以為阿詩與祖兒情海翻波。「以前祖兒每日會call十幾次搵阿詩，上個月佢哋冷戰時，祖兒幾日都冇一個call，搞到阿詩都好冇癮。反而Jozie嗰陣就日日黐住阿詩，人人都知佢哋行得好埋，個女仔都好進取。同祖兒咁耐感情，阿詩點捨得分手，雖然佢都對Jozie嗒糖，但最終都出力箍祖兒，仲應承對方以後都唔會同Jozie單獨約會。」翻兜成功，祖兒對金融鱷少劉鎮鴻及MV導演Heison兩單戀情，斬釘截鐵否認：「我唔知對方（劉鎮鴻）係邊個，無端端將我哋連埋一齊，真係打個冷震。而Heison，大家係識咗 好多年嘅朋友。」事實上，「詩祖戀」經過考驗後更勝從前。情人節當日，阿詩叫了《賈寶玉》的「12金釵」上屋企整甜品。12個女仔一人一個撻，祖兒雖然不在場，但阿詩特別炮製了一個畫上心心嘅果撻俾祖兒，突顯其「正印」地位。當晚阿詩和祖兒齊齊到紅館為黃偉文演唱會做嘉賓，兩人同時戴上5年前戴過的情侶手鏈。不過，同日路嘉欣又將與阿詩整撻相放上微博示威，似有心向祖兒挑戰，難怪翌日祖兒秘密到演藝學院實阿詩，以免被人有機可乘。

兩度騷情侶鏈

路嘉欣靠黐上位
32歲的路嘉欣，雖然歌影視三棲，但個人大碟只出過一隻，電影亦只拍過三部。她的電視作品比較多，但她並非第一女主角。 02年，路嘉欣和台灣型男張震拍拖，在男友帶挈之下，她拍了《轉角＊遇到愛》及《東方茱麗葉》這兩套較為港人認識的作品，但有傳因為她太黐身，導致兩人在08年分手。

預告變攣
同年拍攝電影《一席之地》時，她和曾三度入圍金鐘獎男配角的莫子儀撻着，但不久又分手。兩次感情重創後，路嘉欣上年年尾同何韻詩演舞台劇撻着，又公然預告自己會戀上女性。 ####


情人節當日，阿詩叫埋「12金釵」上屋企開餐，路嘉欣仲挨晒落阿詩度。


而阿詩為免辣㷫祖兒，又在微博放一張送心心果撻俾祖兒的照片， 默認對方正印地位。


早前何韻詩和Eason在黃偉文的演唱會上激咀，令祖兒醋意大發，在後台當眾大叫：「好想嘔呀！」


07年首戴
07年1月，兩人出席《Road Show頒獎禮》時，被記者發現兩人首次戴上同款手鏈。


我先係正印！（設計對白）
今年情人節再騷
祖兒同阿詩雨過天晴，情人節當晚，就算祖兒多套嘅靚衫都係冇袖衫，祖兒也不避嫌戴情侶鏈上身。


祖兒愛得高調，啱啱至箍煲成功嘅阿詩又點可以唔配合。兩人在情人節當日同時戴上用魚絲串上純銀飾物製成的情侶鏈。


消夜包接送 2月16日演完舞台劇後，阿詩仲約埋「12金釵」去食糖水，明知記者影相，為免祖兒打翻醋埕，何韻詩刻意同路嘉欣行到離行離列保持距離。


路嘉欣


何韻詩之後阿詩送埋眾女返酒店，好鬼死man！


路嘉欣同張震拍拖6年，每次提到這段情，佢都會喊到收唔到聲。今年初，佢接受台灣女同志雜誌訪問時，竟話「當我愛上同性，毋須大驚小怪。」

arrow
arrow
    全站熱搜

    litalife 發表在 痞客邦 留言(0) 人氣()

    E-mail轉寄