一連六場的「黃偉文作品展演唱會」圓滿結束後，Wyman黃偉文終於可以放鬆一下，上周三（十五日）完騷後翌日，他已急不及待飛往泰國疏乎，同行還有同性密友Stephen。

據悉，Wyman與Stephen相知相交已有十年，現同居於中半山單位，而Stephen更是Wyman多首歌曲的填詞靈感來源。關係密切如此，難怪二人當日出現機場離港時，齊齊都以螢光粉紅色Balenciaga旅行袋和旅行喼上陣，搶眼程度達滿分！

上周三，Wyman與密友Stephen出現在機場離境大堂，邊行邊傾。

心情輕鬆

上周三（十五日）下午一時多，黃偉文背着一個螢光粉紅色的Balenciaga袋，現身機場離境大堂，同行還有他的密友Stephen，手拖着同樣是Balenciaga螢光粉紅的旅行喼。

二人一直並排而行，步伐輕鬆、心情開朗，邊行邊傾談，走到國泰的登機櫃位check in後，急急腳便往離境閘口。據悉，他們這趟旅程是飛往曼谷度假，不過整個行程，前後夾埋只得五日，來去匆匆。

「佢哋呢個trip一早已經plan咗，本來打算完騷之後去，順便喺泰國嗰邊過埋情人節，點知個騷太好賣，加場再加場，結果搞到二月十四號之後先去到。」一位知情者表示。

二人同行，同樣以螢光粉紅的手提袋及行李上陣。