我哋經濟獨立！ (真實對白)陸詩韻稱未有結婚打算，還說希望男友早日事業有成：「我哋經濟獨立，冇話邊個靠邊個。」
真面目
計錯數 拒嫁欠債男友𢱑撈無綫 陸詩韻：佢要爭氣先得！
早前陸詩韻的未婚夫吳銘偉傳出生意失敗欠債 340萬，更有人在匡湖居住所外貼大字報追數。
雖然陸詩韻稱已交律師處理，但據她身邊人爆料，男友的經濟狀況令她好憂心，本來陸詩韻搞生意已感身心疲累，最近有意𢱑撈返無綫拍劇 hea住做，加上男友經濟情況未如理想，連婚事都要擱置。
對此陸詩韻無奈回應：「暫時唔考慮結婚住，佢要自己爭氣先得！」
陸詩韻 09年退出娛圈後，一直幫老豆打理製衣生意，又自資開貿易公司，由釣金龜港姐變女強人。年初她被拍到與男子同遊汶萊，被迫自爆該男子其實是未婚夫吳銘偉，二人本打算明年結婚。
未婚夫吳銘偉今年 3月陸詩韻遊汶萊被懷疑當伴遊，她立即出來澄清，對方其實是在馬來西亞做生意的男友吳銘偉，更有結婚打算。《壹週刊》圖片 
早前有週刊報道陸詩韻未婚夫吳銘偉欠債兼面臨破產，指她釣錯金龜。咁啱她舊愛朱明近日亦被人追債失去聯絡。《忽然 1周》圖片 
急停婚事
吳銘偉是馬來西亞人，曾與友人合作搞貿易生意，但有報道指他 08年生意失敗，他被告上法庭，法庭判他和所屬的「 JFK Holding Co., Ltd.」要償還 340萬欠債。兩人的愛巢匡湖居外，更被人張貼 14張寫有「老千商人、欠債還錢」的大字報。
事件被報道後，本來恩愛風騷的陸詩韻已改變口風，遲遲唔肯向外宣布婚期，上週她在電話中對本刊說好無奈：「交咗畀律師處理，唔方便講。（男友求咗婚未？）唔想講呀！𠵱家都未係時候，暫時唔考慮結婚住，佢要自己爭氣先得！等吓囉！」她又指自己經濟未受影響，男友的情況則不想透露。
後悔做女強人
據陸詩韻身邊人透露，陸其實已厭倦再打理生意，有意返無綫拍劇。
「 Sharon（陸之洋名）覺得做生意好困身，連拍拖時間都冇，以前做電視 free好多，所以想返無綫，但佢份人唔識擦鞋，同樂小姐嗰啲都唔熟，淨係問過吓啲監製囉，不過𠵱家都要再諗吓先！」
生意放唔低，陸亦承認做生意好辛苦：「我真係好後悔㗎！做生意好辛苦，歐美不停咁飛嚟飛去，我根本唔應該做女強人！（係咪想返 TVB？）其實一路以嚟都有返去做吓嘉賓主持，拍劇呢層我想睇吓有咩劇本啦、角色啦、對手啦，唔想做啲太普通嘅角色囉！不過𠵱家係放唔低啲生意，將來未知點。」女人都係靠自己好啲！
繼承父業
與家人感情要好，陸詩韻 09年退出娛圈，幫老豆陸偉亮（右）打理製衣生意，可是近日大嘆辛苦想返無綫拍劇。
唔擦高層
不懂送禮擦鞋的陸詩韻，與無綫高層唔熟，即使同過氣總經理陳志雲同場亦冇交流，難怪想返無綫都冇高層關照，只能向監製𢱑撈。
《壹週刊》圖片 
準備「復出」係時候蒲吓頭，陸詩韻上週一（ 10日）就與關禮傑和李鵬飛等出席食店開張活動。
電影客串
離開無綫之後曾向影圈發展，拍過杜 sir的《竊聽風雲》及彭浩翔的《志明與春嬌》，但只屬客串角色，陸亦冇再跟杜琪峯聯絡。
最後作品
當年在無綫工作量不多，只拍過６套劇集，最後一齣是 08年的《東山飄雨西關晴》，對手有汪明荃、馬德鐘等。
住 2,000呎 House
陸詩韻做生意成績唔錯，去年以月租 7萬進駐西貢匡湖居 2千多呎海景獨立屋，要放棄豐厚收入返無綫當然唔容易。
目標明確
曾文能遊日
07年陸詩韻與曾坐監富豪曾文能同遊日本，戀情因此曝光，可惜後來有傳周汶錡介入， 2人拍拖一年多便分手收場。
朱明敗走
08年陸詩韻多次被影到與「油王」朱明出雙入對，同期陳法蓉亦跟男方多次約會（如圖），有傳陸詩韻惟有敗走斬纜，最近朱明又被貼大字報追債。
曾權威飯局
留言列表
