818 娛樂八掛大放送★

徐濠縈 陳奕迅 高調晒恩愛

徐濠縈同陳奕迅(Eason)向來都各有各忙，甚少會一齊出現公開場合。可能因為咁樣，成日都有傳佢有問題。不過好姨都知道潮人向來都唔鍾意解畫，間唔中曝光就當俾大家update。

徐濠縈上週四(7日) 39 歲生日，佢先完成巴黎時裝週的工作，就直接轉飛日本參加馬拉松。當大家以佢生日唔同老公Eason一齊過時候，向來鬼馬Eason早就已經訂機票，仲買埋玫瑰花同蛋糕，半空為老婆慶生。

呢個突如其來surprise令到徐濠縈又驚又喜，最難得係下個月開個唱Eason，放低幾日排練同減肥，同老婆食玩日本。難怪佢開心到微博上寫上：「I got a surprise in Tokyo！Paris-HK-Tokyo！」

佢兩公婆去到東京留兩日，再搭火車去名古屋，呢程Eason主要陪老婆參加馬拉松，見證佢同林海峰用兩個小時跑完半馬馬拉松賽事。至於點解唔同老婆一齊跑，Eason話自己傷患未好番，更自嘲自己身體過重，結構有問題，所以只適合短跑。至於Eason送咩俾徐濠縈做禮物，徐濠縈本週二(12日)出席活動時自爆：「佢應承我戒煙，如果下次有人見到佢食煙，你都可以話佢。」

另外，本週一(11日)，週日先名古屋跑完馬拉徐濠縈，第二日黃昏六點已經現身銅鑼灣利園商場，見佢去完CHANEL拎大袋衫之後，就企門口等司機。點知等幾分鐘都未到，反而撞到女友人。女友人見到徐濠縈，都驚訝咁問：「乜你唔係去日本咩？」兩日寒暄幾分鐘，女友人走埋，但司機都未到。最後，徐濠縈等得唔耐煩，寧願穿住大袋衫，行幾步穿過商場上車離開。

放大圖片